Hefur áhyggjur af Bitcoin-kaupum Íslendinga og líkir rafmyntinni við píramídasvindl Eiður Þór Árnason skrifar 1. mars 2021 17:21 Ásgeir Jónsson seðlabankastjóri. Vísir/Vilhelm Ásgeir Jónsson seðlabankastjóri varar við kaupum á rafmyntum á borð við Bitcoin og líkir kapphlaupinu við þátttöku í píramídasvindli. Íslendingar versluðu með Bitcoin fyrir um 600 milljónir króna í janúar samkvæmt úttekt Rafmyntaráðs. Virði Bitcoin fór yfir 50 þúsund Bandaríkjadali um miðjan febrúar og kostar nú hver mynt rúmlega 6,2 milljónir króna. „Bitcoin sem gjaldmiðill lýtur engum landamærum og felur í sér raun og veru mikla sóun þar sem það er mikil orka sem fer í námugröft á þessari mynt,“ sagði Ásgeir í Reykjavík síðdegis á Bylgjunni en staðfesting færslna með Bitcoin krefst flókinna og orkufrekra tölvuútreikninga. „Maður óttast alltaf þegar fólk fer að leita að svona skjótfengnum gróða og taka þátt í einhverju sem í raun virðist vera hálfgert píramídascheme.“ Til greina komi að gefa út eigin rafmynt Ásgeir fullyrðir að lítið sé vitað um rafmyntina, hvaðan hún komi eða hverjir standi að baki henni. „Þegar maður heyrir að fólk sé farið að kaupa þessa mynt til að reyna að hagnast á því þá fer maður að hafa áhyggjur. […] Ég vara við allri spákaupmennsku og við erum að tala um mjög furðulega eign. Það er eitt að kaupa hlutabréf í fyrirtæki eða skuldabréf gefið út af einhverjum aðila sem er með raunverulegan rekstur og tekjuflæði. Hér er bara gjaldmiðill sem er verið að veðja á að hækki og þetta lítur út fyrir mér svolítið eins og píramídascheme,“ segir Ásgeir og bætir við að Bitcoin hafi fram að þessu aðallega verið notað í svartri og ólöglegri starfsemi. Þannig að Seðlabankinn er ekki að fara að fjárfesta í rafmynt? „Ekki í Bitcoin en það gæti alveg komið til greina að við myndum gefa út sérstaka rafmynt sem væri gefin út fyrir Ísland eða álíka. Þetta hefur verið rætt í þessum seðlabankaheimi og þetta felur í sér ýmsa kosti út frá greiðsluþjónustu og uppgjöri en þetta eru bara vangaveltur enn sem komið er. Ef við lítum á Bitcoin sem gjaldmiðill þá er hann ekkert sérstaklega heppilegur þar sem virðið er svo sveiflukennt.“ Líkir þróuninni við Túlípanaæðið í Hollandi Þar tekur Ásgeir undir með Gylfa Magnússyni, prófessors í viðskiptafræðideild Háskóla Íslands, sem segir að notagildi Bitcoin sé takmarkað. Þetta kemur fram í grein hans í nýjasta tölublaði Vísbendingar sem Kjarninn greinir frá en þar segir Gylfi að óstöðugt gengi og vangeta bálkakeðjutækninnar við að ráða við mikið magn viðskipta spili lykilhlutverk í að rafmyntir hafi ekki orðið að almennilegum greiðslumiðli. Þá líkir hann verðþróun Bitcoin á síðustu vikum við Túlípanaæðið í Hollandi þar sem verð kaupsamninga á Túlipönum rauk upp úr öllu valdi vegna spákaupmennsku og hrundi svo á fyrri hluta 17. aldar. Spáir Gylfi því að margir eigi eftir að tapa miklum fjárhæðum vegna viðskiptanna. „Þeir sem koma með peninga inn á lokametrunum í bólunni koma verst út. Meðalfjárfestirinn mun tapa verulegum hluta sinnar fjárfestingar vegna þess að verðmætasköpunin í heild er ekki núll heldur neikvæð vegna kostnaðarins við námavinnsluna.“ Rafmyntir Efnahagsmál Reykjavík síðdegis Íslenska krónan Seðlabankinn Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Lítið sem ekkert fékkst upp í kröfur í þrotabú bakarísins Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Guðmundur í Brimi nýr formaður Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Kristjana til ÍSÍ Viðskipti innlent Lækkanir í Asíu halda áfram Viðskipti erlent Nánast allir telja útgerðirnar geta greitt hærri veiðigjöld Viðskipti innlent Leiðtogar ESB íhuga háa sekt á X og Musk Viðskipti erlent Fleiri fréttir Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Sjá meira
„Bitcoin sem gjaldmiðill lýtur engum landamærum og felur í sér raun og veru mikla sóun þar sem það er mikil orka sem fer í námugröft á þessari mynt,“ sagði Ásgeir í Reykjavík síðdegis á Bylgjunni en staðfesting færslna með Bitcoin krefst flókinna og orkufrekra tölvuútreikninga. „Maður óttast alltaf þegar fólk fer að leita að svona skjótfengnum gróða og taka þátt í einhverju sem í raun virðist vera hálfgert píramídascheme.“ Til greina komi að gefa út eigin rafmynt Ásgeir fullyrðir að lítið sé vitað um rafmyntina, hvaðan hún komi eða hverjir standi að baki henni. „Þegar maður heyrir að fólk sé farið að kaupa þessa mynt til að reyna að hagnast á því þá fer maður að hafa áhyggjur. […] Ég vara við allri spákaupmennsku og við erum að tala um mjög furðulega eign. Það er eitt að kaupa hlutabréf í fyrirtæki eða skuldabréf gefið út af einhverjum aðila sem er með raunverulegan rekstur og tekjuflæði. Hér er bara gjaldmiðill sem er verið að veðja á að hækki og þetta lítur út fyrir mér svolítið eins og píramídascheme,“ segir Ásgeir og bætir við að Bitcoin hafi fram að þessu aðallega verið notað í svartri og ólöglegri starfsemi. Þannig að Seðlabankinn er ekki að fara að fjárfesta í rafmynt? „Ekki í Bitcoin en það gæti alveg komið til greina að við myndum gefa út sérstaka rafmynt sem væri gefin út fyrir Ísland eða álíka. Þetta hefur verið rætt í þessum seðlabankaheimi og þetta felur í sér ýmsa kosti út frá greiðsluþjónustu og uppgjöri en þetta eru bara vangaveltur enn sem komið er. Ef við lítum á Bitcoin sem gjaldmiðill þá er hann ekkert sérstaklega heppilegur þar sem virðið er svo sveiflukennt.“ Líkir þróuninni við Túlípanaæðið í Hollandi Þar tekur Ásgeir undir með Gylfa Magnússyni, prófessors í viðskiptafræðideild Háskóla Íslands, sem segir að notagildi Bitcoin sé takmarkað. Þetta kemur fram í grein hans í nýjasta tölublaði Vísbendingar sem Kjarninn greinir frá en þar segir Gylfi að óstöðugt gengi og vangeta bálkakeðjutækninnar við að ráða við mikið magn viðskipta spili lykilhlutverk í að rafmyntir hafi ekki orðið að almennilegum greiðslumiðli. Þá líkir hann verðþróun Bitcoin á síðustu vikum við Túlípanaæðið í Hollandi þar sem verð kaupsamninga á Túlipönum rauk upp úr öllu valdi vegna spákaupmennsku og hrundi svo á fyrri hluta 17. aldar. Spáir Gylfi því að margir eigi eftir að tapa miklum fjárhæðum vegna viðskiptanna. „Þeir sem koma með peninga inn á lokametrunum í bólunni koma verst út. Meðalfjárfestirinn mun tapa verulegum hluta sinnar fjárfestingar vegna þess að verðmætasköpunin í heild er ekki núll heldur neikvæð vegna kostnaðarins við námavinnsluna.“
Rafmyntir Efnahagsmál Reykjavík síðdegis Íslenska krónan Seðlabankinn Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Lítið sem ekkert fékkst upp í kröfur í þrotabú bakarísins Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Guðmundur í Brimi nýr formaður Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Kristjana til ÍSÍ Viðskipti innlent Lækkanir í Asíu halda áfram Viðskipti erlent Nánast allir telja útgerðirnar geta greitt hærri veiðigjöld Viðskipti innlent Leiðtogar ESB íhuga háa sekt á X og Musk Viðskipti erlent Fleiri fréttir Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Sjá meira