Davíð Snorri Jónasson mun á fimmtudaginn kynna EM-hópinn sinn en mótshaldararnir í UEFA virðast hafa viljað vera á undan að tilkynna hvernig íslenski hópurinn yrði. Á heimasíðu mótsins má nú sjá hópinn.
Alfons og Arnór ekki með
Á meðal þeirra sem ekki eru í hópnum eru Alfons Sampsted og Arnór Sigurðsson, og því má ætla að þeir verði í A-landsliðshópnum sem leikur í undankeppni HM á sama tíma og EM stendur yfir, eða dagana 25.-31. mars.
Ísland leikur í riðli með Rússlandi, Danmörku og Frakklandi á EM og komast tvö efstu liðin áfram í átta liða úrslitin. Fyrsti leikurinn er við Rússa fimmtudaginn 25. mars kl. 17 en síðar um kvöldið mætir A-landslið Íslands svo Þýskalandi í fyrsta leik í undankeppni HM.
Þetta verður aðeins í annað sinn sem að Ísland tekur þátt í lokakeppni EM U21-landsliða en fyrra skiptið var árið 2011 þegar gullkynslóðin sem nú er í A-landsliðinu lék á EM í Danmörku.
EM-hópur Íslands:
Markmenn:
- Elías Rafn Ólafsson, 21 árs, Fredericia
- Hákon Rafn Valdimarsson, 19 ára, Grótta
- Patrik Gunnarsson, 20 ára, Silkeborg
Varnarmenn:
- Finnur Tómas Pálmason, 21 árs, Norrköping
- Valgeir Lunddal Friðriksson, 19 ára, Häcken
- Róbert Orri Þorkelsson, 18 ára, Breiðablik
- Ísak Óli Ólafsson, 20 ára, SönderjyskE
- Ari Leifsson, 22 ára, Strömsgodset
- Hörður Ingi Gunnarsson, 22 ára, FH
Miðjumenn:
- Alex Þór Hauksson, 21 árs, Öster
- Ísak Bergmann Jóhannesson, 17 ára, Norrköping
- Andri Fannar Baldursson, 19 ára, Bologna
- Mikael Anderson, 22 ára, Midtjylland
- Jón Dagur Þorsteinsson, 22 ára, AGF
- Stefán Teitur Þórðarson, 22 ára, Silkeborg
- Willum Þór Willumsson, 22 ára, BATE
- Kolbeinn Finnsson, 21 árs, Dortmund
- Þórir Jóhann Helgason, 20 ára, FH
- Kolbeinn Þórðarson, 21 árs, Lommel
Sóknarmenn:
- Brynjólfur Andersen Willumsson, 20 ára, Kristiansund
- Valdimar Þór Ingimundarson, 21 árs, Strömsgodset
- Sveinn Aron Guðjohnsen, 22 ára, OB
- Bjarki Steinn Bjarkason, 20 ára, Venezia