Tók tvo markaskorara af EM með til Íslands eftir vonbrigðin gegn Val Sindri Sverrisson skrifar 13. júlí 2021 12:30 Mario Gavranovic jafnar hér metin gegn heimsmeisturum Frakka sem Svisslendingar slógu út í 16-liða úrslitum á EM. Gavranovic er nú mættur til Íslands. EPA/Marko Djurica Tveir markaskorarar af EM, og alls sex leikmenn sem spiluðu á mótinu, eru tilbúnir að mæta Valsmönnum á Hlíðarenda í kvöld, með liði Dinamo Zagreb, enda afar mikið í húfi fyrir bæði lið. Um er að ræða seinni leik liðanna í fyrstu umferð undankeppni Meistaradeildar Evrópu. Valsmenn virtust hafa fengið nær óvinnandi verkefni þegar þeir drógust gegn króatíska stórveldinu Dinamo Zagreb, sem er í þriðja sæti yfir félög sem ólu upp flesta af þeim leikmönnum sem fóru á nýafstaðið Evrópumót landsliða. Valur náði hins vegar að skora tvö mörk í lokin á fyrri leik liðanna í Króatíu fyrir viku síðan og staðan í einvíginu er því 3-2. Reglan um útivallamörk gildir ekki lengur í keppnum á vegum UEFA svo að ef að Valsmenn ná þeim magnaða árangri að vinna eins marks sigur í kvöld þá tekur við framlenging og hugsanlega vítaspyrnukeppni. Leikur Vals og Dinamo Zagreb er í beinni útsendingu á Stöð 2 Sport. Útsendingin hefst klukkan 19:45 og leikurinn sjálfur klukkan 20. Króatíski landsliðsmaðurinn Mislav Orsic fagnar eftir að hafa fullkomnað þrennu sína fyrir Dinamo Zagreb þegar liðið sló Tottenham út úr Evrópudeildinni.Getty/Jurij Kodrun Í hugum Króata yrði það ekkert annað en hneyksli ef Dinamo Zagreb félli úr keppni í kvöld, fjórum mánuðum eftir að liðið sló Tottenham út í 16-liða úrslitum Evrópudeildarinnar. Mislav Orsic, sem skoraði þrennu framhjá Hugo Lloris í marki Tottenham, er einn af þeim sem kallaðir hafa verið inn í hópinn hjá Dinamo eftir óvæntu úrslitin í fyrri leiknum gegn Val. Landsliðsmarkvörður Króata fékk lengra frí Til að tryggja að ekkert fari úrskeiðis í kvöld hefur Damir Krznar, þjálfari Dinamo, kallað nær allar sínar helstu stjörnur heim úr örstuttu sumarfríi eftir EM. Dinamo átti sjö fulltrúa sem spiluðu á mótinu og aðeins einn þeirra, Dominik Livakovic sem er landsliðsmarkvörður Króatíu, fær enn að vera í fríi, samkvæmt króatískum miðlum. Hér má sjá frá æfingu Dinamo á Hlíðarenda í gær: Í fyrri leiknum gegn Val var Norður-Makedóníumaðurinn Arijan Ademi, fyrirliði Dinamo, eini EM-farinn sem spilaði. Hann lék alla þrjá leiki Norður-Makedóníu á EM og skoraði svo tvö markanna gegn Val í síðustu viku. Skoruðu fyrir Sviss og Króatíu á EM Nú bætast fimm EM-farar við. Svisslendingurinn Mario Gavranovic, sem skoraði jöfnunarmarkið mikilvæga gegn Frökkum í 16-liða úrslitum, er þar á meðal. Gavranovic skoraði einnig í vítaspyrnukeppnunum gegn Frökkum og svo Spánverjum í 8-liða úrslitum. Orsic, Bruno Petkovic og Luka Ivanusec léku svo allir með hinu sterka landsliði Króatíu á EM. Orsic skoraði gegn Spáni í 16-liða úrslitunum en Petkovic var markahæstur Króata í undankeppni EM með fjögur mörk. Ivanusec, sem er 22 ára miðjumaður, lék á tveimur Evrópumótum í sumar því hann var einnig á EM U21-landsliða þar sem hann skoraði tvö mörk. Sjötti EM-farinn sem ferðaðist með Dinamo til Íslands er svo Stefan Ristovski, 29 ára varnarmaður, sem lék allar mínútur Norður-Makedóníu á EM. Hann var reyndar í leikmannahópnum gegn Val í síðustu viku en kom ekkert við sögu, og hugsanlegt er að Krznar freisti þess að spara EM-kappana sína eins og hægt er. Meistaradeild Evrópu Valur Mest lesið Kærustupar á leið á Ólympíuleika þar sem þau fá ekki að vera saman Sport Hélt uppi meira en aldar gamalli hefð Enski boltinn Sjáðu sigurmark Rios og öll hin frá St. James' Park Enski boltinn Sjáðu gullstrákana í Vestra fagna: „Vorum bara miklu stærra lið“ Íslenski boltinn Græddu meira en milljarð á kokteilum á US Open Sport Fyrsta félagið með tvö fórnarlömb skotárása í liðinu Sport Rio setti nýtt Liverpool met Enski boltinn Gagnrýndu Bruno: „Hann átti skelfilegan leik“ Enski boltinn Van Dijk um Rio: Draumabyrjun en hann verður að vera auðmjúkur Enski boltinn Óskar Hrafn: Stundum hata ég fótbolta Íslenski boltinn Fleiri fréttir Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Sjá meira
Um er að ræða seinni leik liðanna í fyrstu umferð undankeppni Meistaradeildar Evrópu. Valsmenn virtust hafa fengið nær óvinnandi verkefni þegar þeir drógust gegn króatíska stórveldinu Dinamo Zagreb, sem er í þriðja sæti yfir félög sem ólu upp flesta af þeim leikmönnum sem fóru á nýafstaðið Evrópumót landsliða. Valur náði hins vegar að skora tvö mörk í lokin á fyrri leik liðanna í Króatíu fyrir viku síðan og staðan í einvíginu er því 3-2. Reglan um útivallamörk gildir ekki lengur í keppnum á vegum UEFA svo að ef að Valsmenn ná þeim magnaða árangri að vinna eins marks sigur í kvöld þá tekur við framlenging og hugsanlega vítaspyrnukeppni. Leikur Vals og Dinamo Zagreb er í beinni útsendingu á Stöð 2 Sport. Útsendingin hefst klukkan 19:45 og leikurinn sjálfur klukkan 20. Króatíski landsliðsmaðurinn Mislav Orsic fagnar eftir að hafa fullkomnað þrennu sína fyrir Dinamo Zagreb þegar liðið sló Tottenham út úr Evrópudeildinni.Getty/Jurij Kodrun Í hugum Króata yrði það ekkert annað en hneyksli ef Dinamo Zagreb félli úr keppni í kvöld, fjórum mánuðum eftir að liðið sló Tottenham út í 16-liða úrslitum Evrópudeildarinnar. Mislav Orsic, sem skoraði þrennu framhjá Hugo Lloris í marki Tottenham, er einn af þeim sem kallaðir hafa verið inn í hópinn hjá Dinamo eftir óvæntu úrslitin í fyrri leiknum gegn Val. Landsliðsmarkvörður Króata fékk lengra frí Til að tryggja að ekkert fari úrskeiðis í kvöld hefur Damir Krznar, þjálfari Dinamo, kallað nær allar sínar helstu stjörnur heim úr örstuttu sumarfríi eftir EM. Dinamo átti sjö fulltrúa sem spiluðu á mótinu og aðeins einn þeirra, Dominik Livakovic sem er landsliðsmarkvörður Króatíu, fær enn að vera í fríi, samkvæmt króatískum miðlum. Hér má sjá frá æfingu Dinamo á Hlíðarenda í gær: Í fyrri leiknum gegn Val var Norður-Makedóníumaðurinn Arijan Ademi, fyrirliði Dinamo, eini EM-farinn sem spilaði. Hann lék alla þrjá leiki Norður-Makedóníu á EM og skoraði svo tvö markanna gegn Val í síðustu viku. Skoruðu fyrir Sviss og Króatíu á EM Nú bætast fimm EM-farar við. Svisslendingurinn Mario Gavranovic, sem skoraði jöfnunarmarkið mikilvæga gegn Frökkum í 16-liða úrslitum, er þar á meðal. Gavranovic skoraði einnig í vítaspyrnukeppnunum gegn Frökkum og svo Spánverjum í 8-liða úrslitum. Orsic, Bruno Petkovic og Luka Ivanusec léku svo allir með hinu sterka landsliði Króatíu á EM. Orsic skoraði gegn Spáni í 16-liða úrslitunum en Petkovic var markahæstur Króata í undankeppni EM með fjögur mörk. Ivanusec, sem er 22 ára miðjumaður, lék á tveimur Evrópumótum í sumar því hann var einnig á EM U21-landsliða þar sem hann skoraði tvö mörk. Sjötti EM-farinn sem ferðaðist með Dinamo til Íslands er svo Stefan Ristovski, 29 ára varnarmaður, sem lék allar mínútur Norður-Makedóníu á EM. Hann var reyndar í leikmannahópnum gegn Val í síðustu viku en kom ekkert við sögu, og hugsanlegt er að Krznar freisti þess að spara EM-kappana sína eins og hægt er.
Meistaradeild Evrópu Valur Mest lesið Kærustupar á leið á Ólympíuleika þar sem þau fá ekki að vera saman Sport Hélt uppi meira en aldar gamalli hefð Enski boltinn Sjáðu sigurmark Rios og öll hin frá St. James' Park Enski boltinn Sjáðu gullstrákana í Vestra fagna: „Vorum bara miklu stærra lið“ Íslenski boltinn Græddu meira en milljarð á kokteilum á US Open Sport Fyrsta félagið með tvö fórnarlömb skotárása í liðinu Sport Rio setti nýtt Liverpool met Enski boltinn Gagnrýndu Bruno: „Hann átti skelfilegan leik“ Enski boltinn Van Dijk um Rio: Draumabyrjun en hann verður að vera auðmjúkur Enski boltinn Óskar Hrafn: Stundum hata ég fótbolta Íslenski boltinn Fleiri fréttir Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Sjá meira