Memphis loksins skráður í Barcelona

Spænska stórliðið hefur verið mikið milli tannanna á fólki síðustu vikur. Að stærstum hluta vegna brotthvarfs stórstjörnunnar Lionel Messi en líka vegna þess að liðið hefur verið í vandræðum með að skrá nýja leikmenn liðsins eins og Memphis Depay og og Eric Garcia.

Reglur spænsku deildarinnar varðandi launagreiðslur leikmanna leyfðu ekki inntöku þessara nýju leikmanna inn í hópinn en nú hefur Barcelona náð samningum við Gerard Pique um launalækkun svo að Memphis, Garcia og Rey Manaj verða allir til taks í hóp liðsins fyrir næsta leik. 

Þetta hljóta að teljast góðar fréttir fyrir Ronald Koeman þjálfara liðsins. Fyrsti leikur Barcelona í deildinni er gegn Real Sociedad á morgun, sunnudag kl. 18:00.