Óttar Magnús lánaður í C-deildina

Óttar Magnús var ekki í leikmannahópi Venezia sem tapaði 3-0 fyrir Udinese í ítölsku A-deildinni í dag. Hann virðist ekki vera í plönum liðsins fyrir komandi leiktíð og fer á láni í C-deildina.

Óttar er 24 ára gamall og skoraði eitt mark í sjö leikjum fyrir Venezia er liðið komst upp úr B-deildinni á síðustu leiktíð. Hann hefur verið á mála hjá félaginu frá árinu 2019 þegar hann átti glimrandi sumar með Víkingi Reykjavík.

Siena hefur verið reglulega í ítölsku A-deildinni síðustu ár en varð gjaldþrota árið 2014. Liðið komst upp úr D-deildinni á Ítalíu í fyrra og vinnur að því að komast á meðal þeirra bestu á ný.