Wolfsburg hleypti spennu í G-riðil

Það tók heimamenn ekki nema rétt rúmar þrjár mínútur að brjóta ísinn þegar Ridle Baku stýrði fyrirgjöf Yannick Gerhardt í netið og staðan orðin 1-0.

Maximilian Woeber jafnaði metin fyrir gestina eftir hálftíma leik beint úr aukaspyrnu og staðan var því 1-1 þegar flautað var til hálfleiks.

Eftir klukkutíma leik tóku heimamenn í Wolfsburg forystuna á ný með marki frá Lukas Nmecha, en það reyndist sigurmark leiksins.

Wolfsburg situr nú í öðru sæti G-riðils með fimm stig eftir fjóra leiki, tveimur stigum á eftir Salzburg. Sevilla og Lille mætast seinna í kvöld, en sigurliðið úr þeim leik blandar sér ræiklega í baráttuna um að komat upp úr riðlinum.