Innlent

Hafði í hótunum vopnaður öxi og klippum

Hólmfríður Gísladóttir skrifar
Maðurinn hótaði fólki í Hlíðahverfi.
Maðurinn hótaði fólki í Hlíðahverfi. Vísir/Villi

Lögreglan á höfuðborgarsvæðinu handtók í nótt mann í annarlegu ástandi í Hlíðahverfi en hann var vopnaður öxi og stórum klippum og hafði í hótunum við fólk. Maðurinn var vistaður í fangageymslu og verður tekin skýrsla af honum þegar bráir af honum.

Fjöldi ökumanna var stöðvaður í höfuðborginni í gær, flestir vegna vímuaksturs og þó nokkrir án ökuréttinda. 

Einn reyndi að villa á sér heimildir með því að gefa upp ranga kennitölu þar sem hann var sviptur ökuréttindum en varð ekki kápan úr því klæðinu.

Annar reyndist vera undir áhrifum áfengis, á ótryggðri bifreið, auk þess sem hann gat ekki framvísað skilríkjum til að staðfesta hver hann væri. 

Viðkomandi var vistaður í fangageymslu og bíður skýrslutöku.

Lögreglumál Reykjavík

Mest lesið


Fleiri fréttir

Sjá meira


×

Mest lesið