Fótbolti

Al­freð fjarri góðu gamni er Augs­burg vann ó­væntan sigur á Bayern

Runólfur Trausti Þórhallsson skrifar
Mönnum var heitt í hamsi í kvöld.
Mönnum var heitt í hamsi í kvöld. Harry Langer/Getty Images

Þýskalandsmeistarar Bayern München töpuðu einkar óvænt fyrir Augsburg í eina leik dagsins í þýsku úrvalsdeildinni. Alfreð Finnbogason var því miður fjarri góðu gamni er Augsburg vann magnaðan 2-1 sigur á meisturunum.

Daninn Mads Pedersen kom Augsburg yfir um miðbik fyrri hálfleiks og Andre Hahn tvöfaldaði forystu heimamanna á 36. mínútu. Staðan orðin 2-0 og meistararnir komnir með bakið upp við vegg.

Markamaskínan Robert Lewandowski minnkaði muninn aðeins tveimur mínútum síðar og staðan 2-1 er flautað var til loka fyrri hálfleiks.

Nagelsmann var ekki sáttur með sína menn í kvöld.Roland Krivec/Getty Images

Þó Julian Nagelsmann hafi gert ýmsar breytingar í síðari hálfleik þá komust lærisveinar hans hvorki lönd né strönd og vann Augsburg magnaðan 2-1 sigur.

Bayern trónir enn á toppi deildarinnar með 28 stig að loknum 12 leikjum. Borussia Dortmund getur minnkað muninn niður í eitt stig um helgina en nú munar fjórum stigum á liðunum.

Augsburg er komið upp í 15. sæti með 12 stig, tveimur stigum frá umspilssæti og fjórum stigum frá fallsæti.

Fótbolti Þýski boltinn

Mest lesið


Fleiri fréttir

Sjá meira


×

Mest lesið