Bein út­sending: Hvatningar­verð­laun jafn­réttis­mála

Viðburðurinn er lokaður vegna sóttvarnatakmarkana en hægt verður að fylgjast með honum í streymi að neðan. Þetta er í níunda sinn sem Samtök atvinnulífsins og Háskóli Íslands standa saman að afhendingu verðlaunanna.

„Flokkum í Hvatningarverðlaununum hefur nú verið fjölgað í þrjá og er þeirri nýbreytni ætlað að mæta samtímaþróun á víðtækari skilgreiningu jafnréttis og fjölbreytileika. Flokkarnir eru kynjajafnrétti, fjölmenning og fötlun,“ segir í tilkynningunni.

Hægt er að fylgjast með útsendingunni í spilaranum að neðan.  

Dagskrá

• Ávarp - Jón Atli Benediktsson, rektor Háskóla Íslands
• Regnbogakortið - lagaleg réttindi hinsegin fólks - Daníel E. Arnarsson, framkvæmdastjóri Samtakanna '78
• Erlent starfsfólk á íslenskum vinnumarkaði - Anna Maria Wojtynska, mannfræðingur og nýdoktor við Háskóla Íslands
• Erindi frá verðlaunahafa ársins 2020 - Hermann Björnsson, forstjóri Sjóvár
• Afhending Hvatningarverðlauna jafnréttismála
• Fundarstjóri er Halldór Benjamín Þorbergsson, framkvæmdastjóri Samtaka atvinnulífsins.

Markmiðið með Hvatningarverðlaunum jafnréttismála er að vekja athygli á fyrirtækjum, sem sett hafa jafnrétti á oddinn og jafnframt að hvetja önnur fyrirtæki til þess að gera slíkt hið sama. Stjórnendur og starfsmenn fyrirtækja sem skapað hafa góða fyrirtækjamenningu þar sem jafnrétti og virðing fyrir fjölbreytileika samfélagsins liggur til grundvallar eru hvattir til að senda inn tilnefningu.