Guðný flaug áfram í bikarnum í síðasta leik fyrir jól

Hin franska Lindsey Thomas skoraði tvö fyrstu mörk leiksins og hin suður-afríska Refiloe Jane bætti við þriðja markinu.

Guðný var að vanda í byrjunarliði Milan og lék fram á 89. mínútu þegar sigurinn var í höfn og henni skipt af velli.

Í bikarkeppninni er fyrst leikið í átta þriggja liða riðlum og vann Milan sinn riðil þar sem liðið hafði betur gegn Verona og Cittadella. Aðeins sigurlið hvers riðils kemst áfram.

Þetta var síðasti leikur Milan fyrir jólafrí en liðið leikur næst gegn Roma 5. janúar, í undanúrslitum ofurbikarsins. Næsti leikur liðsins í ítölsku A-deildinni er svo 16. janúar þegar Milan mætir Hellas Verona á nýjan leik.