Fjögur sóttu um em­bætti for­stöðu­manns Rann­ís

Þetta kemur fram á vef mennta- og menningarmálaráðuneytisins. Þau sem sóttu um embættið eru Ágúst Hjörtur Ingþórsson, sviðsstjóri, Erlendur Helgason, teymisstjóri, Ingunn Björnsdóttir, dósent og námsvistunarstjóri og Una Strand Viðarsdóttir, sérfræðingur og staðgengill skrifstofustjóra.

„Rannís er þjónustu- og umsýslustofnun sem hefur það hlutverk að treysta stoðir íslensks samfélags með stuðningi við rannsóknir, nýsköpun, menntun og menningu. Rannís mun heyra undir nýtt ráðuneyti háskóla-, iðnaðar- og nýsköpunar og er ráðgert að Áslaug Arna Sigurbjörnsdóttir skipi nýjan forstöðumann, til fimm ára, frá 1. apríl 2021,“ segir í tilkynningunni.

Hallgrímur Jónasson hefur gegnt embætti forstöðumanns frá árinu 2008.