Einnig kemur til greina, að því er kemur fram í áætluninni, að mæta lánsfjárþörfinni með því að auka ríkisvíxlaútgáfu og hagnýta erlendar innistæður á viðskiptareikningi ríkissjóðs hjá Seðlabanka Íslands. Í lok nóvember 2021 námu þær 306 milljörðum króna.
Fyrirhugað er að gefa út nýjan tuttugu ára óverðtryggðan flokk á árinu, sem og nýjan fimmtán ára verðtryggðan flokk. Til samanburðar eru lengsti flokkurinn í dag til tíu ára.
Jafnframt er til skoðunar að gefa út græn skuldabréf undir sjálfbærum fjármögnunarramma ríkissjóðs og ekki er útilokað að gefinn verði út stuttur verðtryggður skuldabréfaflokkur.
Tvö erlend lán eru á gjalddaga á árinu 2022. Annað er lán í evrum að jafngildi 73,5 milljarðar króna en hitt er erlent lán í dollurum að jafngildi 11,9 milljarðar króna.´
Innherji er nýr sjálfstæður áskriftarmiðill innan Vísis sem mun einkum beina kastljósinu að viðskiptalífinu, efnahagsmálum og stjórnmálum. Fyrst um sinn verður efnið endurgjaldslaust og aðgengilegt öllum á Vísi en með tímanum verður einungis hægt að nálgast Innherja gegn greiðslu. Áhersla er lögð á vandaðar fréttir, fréttaskýringar, viðtöl og hlaðvörp auk þess sem Innherja er ætlaður að vera vettvangur skoðanaskipta fólks úr atvinnulífinu og stjórnmálum.
