Valur
Vestri
Manchester Utd
Manchester City
Stjórn Eflingar hefur móttekið afsögn Daníels Arnar Arnarssonar frá öllum trúnaðarstörfum fyrir stéttarfélagið. Þeta kemur fram í tilkynningu frá stjórninni en Daníel hefur verið sakaður um kynferðislegt ofbeldi.
Daníel, sem er varaborgarfulltrúi Sósíalistaflokksins, greindi frá því um helgina að hann hafi sagt sig frá störfum fyrir borgarstjórn, stjórnmálaþátttöku og félagslegum störfum vegna ásakananna.
Fram kemur í tilkynningu frá stjórn Eflingar að hún taki slíkar ásakanir mjög alvarlega og lýsi yfir fullum stuðningi við alla þolendur ofbeldis.
Daníel Örn var einnig í framboði til stjórnar Eflingar og hefur hætt við það framboð „af virðingu fyrir baráttu verkafólks fyrir bættum kjörum og aðstæðum.“
Daníel Örn Arnarsson, varaborgarfulltrúi Sósíalistaflokksins, hefur sagt sig frá störfum fyrir borgarstjórn vegna ásakana sem komið hafa fram um kynferðisofbeldi.
