Jón Dagur fór ham­förum er AGF burstaði Ís­lendinga­lið Elfs­borg

Jón Dagur, sem er á förum frá AGF að tímabilinu loknu, virðist koma vel stemmdur inn í nýtt ár. AGF er nú að undirbúa sig fyrir síðari hluta tímabilsins í dönsku úrvalsdeildinni og vann liðið frábæran 6-1 sigur á Elfsborg frá Svíþjóð í dag en bæði lið eru við æfingar á Spáni.

Landsliðsmaðurinn Jón Dagur kom að fjórum mörkum AGF – skoraði tvö og lagði upp tvö til viðbótar – en hann var í byrjunarliði danska félagsins líkt og Mikael Neville Anderson.

Í liði Elfsborg voru einnig tveir Íslendingar. Hákon Rafn Valdimarsson byrjaði í marki liðsins og þá var Sveinn Aron Guðjohnsen í fremstu víglínu. Sveinn Aron skoraði mark sænska liðsins í dag.