Innlent

Gestur Þór leiðir lista Sjálfstæðismanna í Ölfusi og Elliði bæjarstjóraefnið

Hallgerður Kolbrún E. Jónsdóttir skrifar
Elliði Vignisson er bæjarstjóraefni Sjálfstæðismanna í Ölfusi og Gestur Þór Kristjánsson oddviti á lista þeirra.
Elliði Vignisson er bæjarstjóraefni Sjálfstæðismanna í Ölfusi og Gestur Þór Kristjánsson oddviti á lista þeirra. Vísir

Gestur Þór Kristjánsson húsasmíðameistari og forseti bæjarstjórnar í Ölfusi mun leiða lista Sjálfstæðismanna í sveitarfélaginu fyrir sveitarstjórnarkosningarnar í maí. Elliði Vignisson, núverandi sveitarstjóri, er bæjarstjóraefni flokksins.

Sjálfstæðisfélagið Ægir hefur samþykkt framboðslista flokksins í sveitarfélaginu fyrir sveitarstjórnarkosningarnar, sem fara fram 14. maí næstkomandi. Þetta kemur fram í tilkynningu frá félaginu. Þar segir að á listanum sé fjölbreyttur hópur fólks með víðtæka þekkingu og reynslu úr ólíkum áttum. 

Mikil endurnýjun sé á listanum en þar einnig að finna reynslumikla einstaklinga á sviði sveitarstjórnarmála. Þá séu bæði frambjóðendur úr Þorlákshöfn og dreifbýli Ölfuss á listanum og margir fæddir og uppaldir í sveitarfélaginu. 

Sjálfstæðiflokkurinn hefur verið í meirihluta síðasta kjörtímabilið og segir í tilkynningunni að undir stjórn hans hafi sveitarfélagið vaxið og dafnað. Velferð íbúa og uppbygging í innviðum hafi verið áherslumál auk atvinnumála. 

Aldrei hafi verið fleiri íbúar í sveitarfélaginu og mikill kraftur sé í uppbyggingu, bæði íbúðarhúsnæðis og iðnaðarhúsnæðis. Höfnin sé þá að stækka, atvinnutækifærum fjölgi og þjónusta hafi verið aukin með áherslu á börn, fjölskyldur og eldri borgara. 

Listann í heild sinni má sjá hér að neðan:  

  1. Gestur Þór Kristjánsson, 49 ára, húsasmíðameistari og forseti bæjarstjórnar
  2. Sigurbjörg Jenný Jónsdóttir, 29 ára, bóndi og viðskiptafræðingur
  3. Grétar Ingi Erlendsson, 38 ára, sölu- og markaðsstjóri og formaður bæjarráðs
  4. Erla Sif Markúsdóttir, 33 ára, grunnskólakennari í Grunnskólanum í Þorlákshöfn
  5. Guðlaug Einarsdóttir, 45 ára, grunnskólakennari í Grunnskólanum í Þorlákshöfn
  6. Geir Höskuldsson, 31 árs, byggingaiðnfræðingur
  7. Davíð Arnar Ágústsson, 25 ára, kennaranemi og körfuknattleiksleikmaður
  8. Margrét Polly Hansen Hauksdóttir, 40 ára, hótelstjórnandi og frumkvöðull
  9. Sigríður Vilhjálmsdóttir, 38 ára, lögfræðingur og formaður fræðslunefndar
  10. Hjörtur Sigurður Ragnarsson, 33 ára, sjúkraþjálfari
  11. Bettý Grímsdóttir, 48 ára, hjúkrunarfræðingur
  12. Oskar Rybinski, 19 ára, nemi og starfsmaður í félagsmiðstöð
  13. Steinar Lúðvíksson, 38 ára, sérfræðingur hjá Landsvirkjun
  14. Anna Lúthersdóttir, 79 ára, heldri borgari
Ölfus Sjálfstæðisflokkurinn Sveitarstjórnarkosningar 2022

Mest lesið


Fleiri fréttir

Sjá meira


×

Mest lesið