Hildur nýr odd­viti Sjálf­stæðis­flokksins í borginni

Ragnhildur Alda María Vilhjálmsdóttir varaborgarfulltrúi, sem sóttist einnig eftir oddvitasætinu, hafnaði í öðru sæti. Kjartan Magnússon varaþingmaður endaði í því þriðja og Marta Guðjónsdóttir í því fjórða.

Nokkur spenna hefur ríkt eftir niðurstöðum prófkjörsins, sem nú liggja fyrir. Hildur tekur við oddvitasæti flokksins í borginni af Eyþóri Arnalds, sem hafði tilkynnt um að hann sæktist eftir endurkjöri, en hætti við það seint á síðasta ári af persónulegum ástæðum.

Hér að neðan má sjá ellefu efstu í prófkjörinu, en kosið var um níu efstu sætin:

• Í 1. sæti með 2.603 atkvæði er Hildur Björnsdóttir
• Í 2. sæti með 2.257 atkvæði í 1.-2.sæti er Ragnhildur Alda María Vilhjálmsdóttir
• Í 3. sæti með 1.815 atkvæði í 1.-3. sæti er Kjartan Magnússon
• Í 4. sæti með 1.794 atkvæði í 1.-4. sæti er Marta Guðjónsdóttir
• Í 5. sæti með 1.555 atkvæði í 1.-5. sæti er Björn Gíslason
• Í 6. sæti með 1.688 atkvæði í 1.-6. sæti er Friðjón R. Friðjónsson
• Í 7. sæti með 1.955 atkvæði í 1.-7. sæti er Helgi Áss Grétarsson
• Í 8. sæti með 2.184 atkvæði í 1.-8. sæti er Sandra Hlíf Ocares
• Í 9. sæti með 2.396 atkvæði í 1.-9. sæti er Jórunn Pála Jónasdóttir
• Í 10. sæti með 2.319 atkvæði í 1.-9. sæti er Birna Hafstein
• Í 11. sæti með 2.231 atkvæði í 1.-9. sæti er Valgerður Sigurðardóttir

Prófkjörið fór fram á föstudag og laugardag, en kjörstaðir lokuðu klukkan 18 í gær, laugardag. 

Nokkur bið var eftir fyrstu tölum úr prófkjörinu en upphaflega var stefnt að því að birta þær um klukkustund eftir lokun kjörstaða. Sú var þó ekki alveg raunin og birtust fyrstu tölur upp úr klukkan tíu.

Hér að neðan má sjá vakt fréttastofunnar þar sem farið var yfir nýjustu vendingar, og beðið eftir nýjustu tölum, sem síðan var greint frá um leið og þær bárust.

Fréttin var uppfærð klukkan 02:35.