Fótbolti

Milan vann tveggja marka sigur á Fiorentina | Guðný lék allar 90 mínúturnar

Atli Arason skrifar
Guðný Árnadóttir í leik með AC Milan.
Guðný Árnadóttir í leik með AC Milan. Getty

Guðný Árnadóttir lék allan leikinn með AC Milan í 2-0 sigri á Fiorentina í ítölsku Seríu A deildinni í fótbolta. Guðný spilaði sem hægri vængbakvörður í leiknum.

Linda Cimini og Valentina Bergamaschi gerðu mörk Milan í sitthvorum hálfleiknum en liðið varð að spila síðustu mínúturnar einum leikmanni færri eftir að Laia Codina fékk sitt annað gula spjald á 89. mínútu.

Milan er í þriðja sæti deildarinnar, sjö stigum á eftir toppliði Juventus sem leikur þessa stundina gegn Inter. Fiorentina er í 9. sæti með 18 stig, þremur stigum frá fallsæti.

Næsti leikur Milan er gegn Empoli næsta sunnudag.

Ítalski boltinn

Mest lesið


Fleiri fréttir

Sjá meira


×

Mest lesið