Dregið í riðla á HM í dag: Allt sem þarf að vita

Eins og Vísir greindi frá nýverið þá eru enn þrjú laus sæti á mótið og verður ekki leikið um síðustu sætin fyrr en í júní.

Drátturinn fer fram í Doha, höfuðborg Katar. Talið er að um 2.000 manns verði í salnum er dregið verður.

Nú þegar er ljóst að Katar verður í A-riðli og er þjóðin í efsta styrkleikaflokki. Það má því ætla að allar þjóðir í styrkleikaflokkum 2 til 4 vilji enda í A-riðli. Styrkleikaflokkarnir eru eftirfarandi:

HM í Katar hefst þann 21. nóvember og lýkur 18. desember.

Fyrirkomulag HM í Katar

Fyrirkomulag HM verður með sama sniði og áður. Alls verða átta riðlar með fjórum liðum hver. Lið eru sett í styrkleikaflokka (sem sjá má hér að ofan) eftir stöðu þeirra á heimslista Alþjóðaknattspyrnusambandsins, FIFA.

Að venju er ein undantekning þar á, heimaþjóðin er alltaf í efsta styrkleika og fer sjálfkrafa inn í A-riðil.

Enn eru þrír umspilsleikir eftir og sigurvegararnir úr þeim leikjum fara allir í styrkleikaflokk 4.

Úkraína og Skotland mætast í leik þar sem sigurvegarinn mætir Wales um sæti á HM í Katar. Kosta Ríka mætir Nýja-Sjálandi og Ástralía mætir Sameinuðu arabísku furstadæmunum, sigurvegarinn úr þeirri viðureign mætir Perú um sæti á HM.

Drátturinn byrjar þannig að allar þjóðir verða dregnar úr styrkleikaflokki 1 og svo koll af kolli. Eftir að þjóð er dregin þá verður dregið í hvaða riðli hún er.

Þjóðir frá sömu heimsálfum geta ekki mæst í riðlakeppninni að Evrópu undanskilinni. Það geta í mesta lagi verið tvær Evrópuþjóðir saman í riðli.

Af hverju er ekki ljóst hvaða 32 þjóðir taka þátt?

Venjulega er ljóst hvaða þjóðir hafa tryggt sér sæti á HM þegar drátturinn fer fram. Tvær ástæður eru fyrir því að enn eru þrjú sæti óákveðin.

Tveir úrslitaleikir milli heimsálfa fara fram í Katar þann 13. og 14. júní. Leikur Kosta Ríka og Nýja-Sjálands fer fram þann 13. á meðan Perú mætir sigurvegaranum úr viðureign Ástralíu og Sameinuðu arabísku furstadæmanna degi síðar.

Þessir leikir voru færðir vegna Covid-19 og fara nú fram í Doha.Segir að FIFA hafi aldrei lagt til að halda HM á tveggja ára fresti

Þá var leikur Úkraínu og Skotlands færðu vegna innrásar Rússa í Úkraínu. Ekki hefur verið fundin dagsetning en miðað er við júní. Vonast er til að Úkraína geti spilað leikinn á.

Stórar þjóðir fjarverandi

Aftur mistókst Ítalíu að tryggja sér sæti á HM. Evrópumeistararnir máttu þola neyðarlegt tap gegn Norður-Makedóníu í umspilinu. 

N-Makedónía tapaði svo sannfærandi fyrir Portúgal og komst þar af leiðandi ekki á HM.

Markamaskínan Erling Braut Håland verður ekki í Katar þar sem Noregur komst ekki áfram. Rússland er eðlilega ekki á mótinu vegna innrásar þeirra í Úkraínu.

Egyptaland – nánar tiltekið Mohamed Salah – verður ekki með eftir að tapa fyrir Senegal í vítaspyrnukeppni. Nígería, Alsír og Fílabeinsströndin eru einnig fjarverandi. 

Þá mistókst Suður-Ameríkuþjóðunum Kólumbíu og Síle einnig að komast á HM.

Dráttur dagsins hefst klukkan 16.00 og verður í beinni textalýsingu á Vísi.