Viðar telur Odd lögmann Agnieszku hafa brotið siðareglur Jakob Bjarnar skrifar 1. apríl 2022 11:12 Viðar Þorsteinsson sækir nú hart að forystu Eflingar og krefur Odd Ástráðsson lögmann Agnieszka Ewa sitjandi formanns svara en í ítarlegum spurningum til Odds lætur Viðar að liggja að Oddur hafi gerst brotlegur við siðareglur lögmanna. vísir/vilhelm/efling Viðar Þorsteinsson, fyrrverandi framkvæmdastjóri Eflingar, sakar Odd Ástráðsson lögmann um að hafa gengið á svig við siðareglur lögmanna. Oddur hefur haft með höndum lögfræðilega úttekt á starfi kynningardeildar Eflingar meðan Viðar var þar framkvæmdastjóri. Þessi deila hefur undið upp á sig. Eins og fram hefur komið í fréttum hefur Viðar tekið því afar óstinnt upp að gefið hafi verið í skyn af sitjandi stjórn Eflingar, og þá af hálfu Agnieszku Ewu Ziólkowsku, starfandi formanns Eflingar, að óeðlilega hafi verið staðið að málum varðandi samninga við vefhönnunarstofuna Sigur og Andra Sigurðssonar eiganda Sigurs sem kenndur hefur verið við aðgerðarhópinn Jæja. Agniezka hafnaði í byrjun mars kröfu Viðars Þorsteinssonar, fyrrverandi framkvæmdastjóra stéttarfélagsins, um afsökunarbeiðni vegna ásakana um fjármálamisferli og lögbrot í störfum hans sem framkvæmdastjóri. Telur Odd meðvitaðan um meintan hefndarhug Oddur lögmaður vildi ræða við Viðar en þau samskipti hafa verið stirð ef marka má bréf sem honum barst frá Viðari. Þar gengur hann eftir svörum frá Oddi varðandi tiltekin atriði. Í bréfinu kemur fram að Viðar telur Odd hafa umgengist siðareglur Lögmannafélagsins afar frjálslega. Viðar rukkar Odd um svör við spurningum sem vöknuðu með honum í kjölfar símtals sem þeir tveir áttu 29. mars. Viðar segir að þar hafi hann lýst því hvaða ásetning hann telur búa að baki því að fráfarandi formaður Eflingar, Agniezka, leitaði til Odds um aðstoð. Ásetningurinn sé að gera störf hans tortryggileg. „Sprettur þessi ásetningur af hefndarhug fráf. formanns vegna úrslita sem henni líkuðu ekki í formanns- og stjórnarkosningum í félaginu. Í samtalinu virtist þú taka undir með mér varðandi þetta, og hafðir uppi þau orð að þú værir "ekki fæddur í gær", þ.e.a.s. að þú gerðir þér grein fyrir málavöxtum er varðar hvatir og ásetning umbjóðanda þíns. Ber að skilja þessi orð þín sem svo að þú sért meðvitaður um að umbj. þinn fari fram gegn mér af annarlegum ásetningi? Ef svo er, telur þú störf þín fyrir hana og málarekstur gagnvart mér samræmast 1. grein siðareglna lögmanna?“ Er boð um „off rec-samtal“ hugsanlega trúnaðarbrot við Agnieszka Eins og fram hefur komið gerði endurskoðunarfyrirtækið Deloitte ekki athugasemdir við viðskipti stéttarfélagsins við vefhönnunarfyrirtækið Sigur vefstofu. Í öðru lagi segist Viðar í bréfi til Odds það hafa vakið furðu sína að lögmaðurinn hafi snúið sér með málareksturinn beint til sín en ekki Gunnars Inga Jóhannssonar hrl. sem hefur haft með höndum samskipti hans við Agnieszku Ewu Ziólkowsku; vegna þeirra ásakana og dylgja sem Viðar segir Odd nú reka fyrir hennar hönd. „Gunnar Ingi hefur einnig ritað og móttekið erindi fyrir mína hönd í samskiptum við Lindu Dröfn Gunnarsdóttur framkvæmdastjóra Eflingar vegna úttektar sálfræðistofunnar Líf og sál en það mál er um margt keimlíkt þeirri „rannsókn“ sem þér virðist hafa verið falin (ólíkindalæti um það hvort ég sé viðfang rannsóknar, brot á andmælarétti mínum, vanhöld á upplýsingagjöf o.s.frv.). Gunnar Ingi Jóhannsson er lögmaður Viðars sem telur óeðlilegt að Oddur hafi snúið sér beint til sín með að vilja ræða málið fremur en að beina því til Gunnars Inga.Foto: Vilhelm Gunnarsson/Vilhelm Gunnarsson Var þér kunnugt um erindi Gunnars Inga fyrir mína hönd til formanns og framkvæmdastjóra Eflingar? Ef svo er, hvernig samrýmist það ákvæðum siðareglna lögmanna um samskipti lögmanna innbyrðis, nánar tiltekið 26. grein?“ segir í bréfinu. Viðar vill þá að endingu og í þriðja lagi fá útskýringar Odds á atriði í samtali þeirra sem er að Oddur bauð honum að koma á framfæri við sig „off record“ eða að ræða við sig frjálslega og í trúnaði um ótilgreind atriði sem Oddur myndi þá ekki innifela í úttekt sinni. „Ég spurði þig hvernig þetta boð þitt samræmdist skyldum þínum við umbjóðenda þinn og hvort trúnaðarsamband þitt væri ekki bundið við hann. Satt best að segja skildi ég ekki þau svör sem þú veittir mér og langar mig því að biðja þig að skýra þau fyrir mér skriflega. Eins og í hinum atriðunum þá hef ég í huga ákvæði úr siðareglum lögmanna, í þessu tilfelli 8. og 9. gr.,“ segir í bréfi Viðars til Odds. Segir samskiptin í samræmi við siðareglur Vísir bar þessar spurningar sem Viðar fitjar uppá undir Odd lögmann en hann taldi hugleiðingar Viðars þannig vaxnar að ekki væri vert að hafa um langt mál. „Eins og fram hefur komið tók ég að mér afmarkað verkefni fyrir Eflingu, að gera lögfræðilega úttekt á viðskiptum félagsins við tiltekið fyrirtæki. Ég hafði samband við fyrrverandi framkvæmdastjóra félagsins og bauð honum að hitta mig á fundi eða senda mér skriflegar athugasemdir um efnið. Hann hefur ekki þegið það boð,“ segir Oddur. Vísir spurði Odd hvort ekki væri áhyggjuefni að vera sakaður um að hafa gengið í berhögg við siðareglur, en Oddur telur svo ekki vera: „Samskiptin voru af minni hálfu í samræmi við siðareglur lögmanna.“ Ólga innan Eflingar Stéttarfélög Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent Gripinn glóðvolgur í skjóli nætur við að tappa af bílnum Innlent MBA-nemi kvartaði og kveinaði en beið lægri hlut Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira
Þessi deila hefur undið upp á sig. Eins og fram hefur komið í fréttum hefur Viðar tekið því afar óstinnt upp að gefið hafi verið í skyn af sitjandi stjórn Eflingar, og þá af hálfu Agnieszku Ewu Ziólkowsku, starfandi formanns Eflingar, að óeðlilega hafi verið staðið að málum varðandi samninga við vefhönnunarstofuna Sigur og Andra Sigurðssonar eiganda Sigurs sem kenndur hefur verið við aðgerðarhópinn Jæja. Agniezka hafnaði í byrjun mars kröfu Viðars Þorsteinssonar, fyrrverandi framkvæmdastjóra stéttarfélagsins, um afsökunarbeiðni vegna ásakana um fjármálamisferli og lögbrot í störfum hans sem framkvæmdastjóri. Telur Odd meðvitaðan um meintan hefndarhug Oddur lögmaður vildi ræða við Viðar en þau samskipti hafa verið stirð ef marka má bréf sem honum barst frá Viðari. Þar gengur hann eftir svörum frá Oddi varðandi tiltekin atriði. Í bréfinu kemur fram að Viðar telur Odd hafa umgengist siðareglur Lögmannafélagsins afar frjálslega. Viðar rukkar Odd um svör við spurningum sem vöknuðu með honum í kjölfar símtals sem þeir tveir áttu 29. mars. Viðar segir að þar hafi hann lýst því hvaða ásetning hann telur búa að baki því að fráfarandi formaður Eflingar, Agniezka, leitaði til Odds um aðstoð. Ásetningurinn sé að gera störf hans tortryggileg. „Sprettur þessi ásetningur af hefndarhug fráf. formanns vegna úrslita sem henni líkuðu ekki í formanns- og stjórnarkosningum í félaginu. Í samtalinu virtist þú taka undir með mér varðandi þetta, og hafðir uppi þau orð að þú værir "ekki fæddur í gær", þ.e.a.s. að þú gerðir þér grein fyrir málavöxtum er varðar hvatir og ásetning umbjóðanda þíns. Ber að skilja þessi orð þín sem svo að þú sért meðvitaður um að umbj. þinn fari fram gegn mér af annarlegum ásetningi? Ef svo er, telur þú störf þín fyrir hana og málarekstur gagnvart mér samræmast 1. grein siðareglna lögmanna?“ Er boð um „off rec-samtal“ hugsanlega trúnaðarbrot við Agnieszka Eins og fram hefur komið gerði endurskoðunarfyrirtækið Deloitte ekki athugasemdir við viðskipti stéttarfélagsins við vefhönnunarfyrirtækið Sigur vefstofu. Í öðru lagi segist Viðar í bréfi til Odds það hafa vakið furðu sína að lögmaðurinn hafi snúið sér með málareksturinn beint til sín en ekki Gunnars Inga Jóhannssonar hrl. sem hefur haft með höndum samskipti hans við Agnieszku Ewu Ziólkowsku; vegna þeirra ásakana og dylgja sem Viðar segir Odd nú reka fyrir hennar hönd. „Gunnar Ingi hefur einnig ritað og móttekið erindi fyrir mína hönd í samskiptum við Lindu Dröfn Gunnarsdóttur framkvæmdastjóra Eflingar vegna úttektar sálfræðistofunnar Líf og sál en það mál er um margt keimlíkt þeirri „rannsókn“ sem þér virðist hafa verið falin (ólíkindalæti um það hvort ég sé viðfang rannsóknar, brot á andmælarétti mínum, vanhöld á upplýsingagjöf o.s.frv.). Gunnar Ingi Jóhannsson er lögmaður Viðars sem telur óeðlilegt að Oddur hafi snúið sér beint til sín með að vilja ræða málið fremur en að beina því til Gunnars Inga.Foto: Vilhelm Gunnarsson/Vilhelm Gunnarsson Var þér kunnugt um erindi Gunnars Inga fyrir mína hönd til formanns og framkvæmdastjóra Eflingar? Ef svo er, hvernig samrýmist það ákvæðum siðareglna lögmanna um samskipti lögmanna innbyrðis, nánar tiltekið 26. grein?“ segir í bréfinu. Viðar vill þá að endingu og í þriðja lagi fá útskýringar Odds á atriði í samtali þeirra sem er að Oddur bauð honum að koma á framfæri við sig „off record“ eða að ræða við sig frjálslega og í trúnaði um ótilgreind atriði sem Oddur myndi þá ekki innifela í úttekt sinni. „Ég spurði þig hvernig þetta boð þitt samræmdist skyldum þínum við umbjóðenda þinn og hvort trúnaðarsamband þitt væri ekki bundið við hann. Satt best að segja skildi ég ekki þau svör sem þú veittir mér og langar mig því að biðja þig að skýra þau fyrir mér skriflega. Eins og í hinum atriðunum þá hef ég í huga ákvæði úr siðareglum lögmanna, í þessu tilfelli 8. og 9. gr.,“ segir í bréfi Viðars til Odds. Segir samskiptin í samræmi við siðareglur Vísir bar þessar spurningar sem Viðar fitjar uppá undir Odd lögmann en hann taldi hugleiðingar Viðars þannig vaxnar að ekki væri vert að hafa um langt mál. „Eins og fram hefur komið tók ég að mér afmarkað verkefni fyrir Eflingu, að gera lögfræðilega úttekt á viðskiptum félagsins við tiltekið fyrirtæki. Ég hafði samband við fyrrverandi framkvæmdastjóra félagsins og bauð honum að hitta mig á fundi eða senda mér skriflegar athugasemdir um efnið. Hann hefur ekki þegið það boð,“ segir Oddur. Vísir spurði Odd hvort ekki væri áhyggjuefni að vera sakaður um að hafa gengið í berhögg við siðareglur, en Oddur telur svo ekki vera: „Samskiptin voru af minni hálfu í samræmi við siðareglur lögmanna.“
Ólga innan Eflingar Stéttarfélög Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent Gripinn glóðvolgur í skjóli nætur við að tappa af bílnum Innlent MBA-nemi kvartaði og kveinaði en beið lægri hlut Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira