Manchester City
Plymouth Argyle
Real Betis
Real Madrid
Stjarnan
Fram
Ari Brynjólfsson hefur tekið við sem nýr kynningarstjóri Félags íslenskra hjúkrunarfræðinga. Hann lét af störfum á Fréttablaðinu um síðustu mánaðamót þar sem hann hafði verið fréttastjóri frá því í febrúar 2020.
Þetta staðfestir Ari í samtali við fréttastofu. Eftir standa Aðalheiður Ámundadóttir og Garðar Örn Úlfarsson sem munu áfram gegna stöðu fréttastjóra á Fréttablaðinu.
Ari er með mastersgráðu í blaða- og fréttamennsku frá Edinburgh Napier University í Skotlandi og BA-gráðu í fjölmiðlafræði frá Háskólanum á Akureyri. Áður en hann hóf störf á Fréttablaðinu vann hann hjá Vefpressunni sem rak þá DV, Eyjuna, Pressuna og Bleikt. Hann var ráðinn fréttastjóri Pressunnar árið 2016.
Guðmundur Gunnarsson, fréttamaður og fyrrverandi bæjarstjóri Ísafjarðarbæjar, hefur verið ráðinn fréttastjóri Markaðarins, viðskiptarits Fréttablaðsins. Hann hóf störf í morgun en Guðmundur er með meistaragráðu í viðskiptafræði og starfaði sem fréttamaður á RÚV árin 2006 til 2011.
Helgi Vífill Júlíusson, fráfarandi fréttastjóri Markaðarins, segir það hafa komið sér verulega í opna skjöldu þegar honum var sagt upp störfum með minna en tveggja daga fyrirvara. Greinilegt sé að pólitísk, frekar en fagleg sjónarmið hafi ráðið för.
