Innlent

For­maður bæjar­ráðs Garða­bæjar að­stoðar Ás­laugu Örnu

Tryggvi Páll Tryggvason skrifar
Áslaug Hulda Jónsdóttir mun aðstoða nöfnu sína, Áslaugu Örnu Sigurbjörnsdóttur, háskóla-, iðnaðar- og nýsköpunarráðherra
Áslaug Hulda Jónsdóttir mun aðstoða nöfnu sína, Áslaugu Örnu Sigurbjörnsdóttur, háskóla-, iðnaðar- og nýsköpunarráðherra Vísir/Vilhelm

Áslaug Arna Sigurbjörnsdóttir, háskóla-, iðnaðar- og nýsköpunarráðherra hefur ráðið Áslaugu Huldu Jónsdóttur sem tímabundinn aðstoðarmann í fjarveru Eydísar Örnu Líndal, sem er í fæðingarorlofi.

Áslaug Hulda er formaður bæjarráðs Garðabæjar og hefur verið bæjarfulltrúi fyrir Sjálfstæðisflokkinn í bænum frá 2010.

Áslaug Hulda sóttist eftir oddvitasæti Sjálfstæðisflokksins í Garðabæ fyrir komandi sveitarstjórnarkosningar. Hún bauð lægri hlut fyrir Almari Guðmundssyni og ákvað í kjölfarið að þiggja ekki sæti á lista flokksins fyrir kosningarnar.

Hún verður því ekki í framboði í sveitarstjórnarkosningunum þann 14. maí næstkomandi.

Áslaug Hulda er grunnskólakennari að mennt með framhaldsmenntun í stjórnun frá IESE Business School í Barcelona.

Í tilkynningu frá ráðuneytinu segir að Áslaug Hulda hafi Hún hefur víðtæka reynslu úr atvinnulífinu á sviði nýsköpunar og menntamála. Hún hafi meðal annars komið að uppbyggingu plastendurvinnslufyrirtækisins Pure North Recycling og var framkvæmdastjóri Hjallastefnunnar.

Vistaskipti Sveitarstjórnarkosningar 2022 Ríkisstjórn Katrínar Jakobsdóttur Sjálfstæðisflokkurinn Garðabær

Tengdar fréttir

Mest lesið


Fleiri fréttir

Sjá meira


×

Mest lesið