Ruglaðist á Íslandsvininum Mahomes og nítján ára körfuboltamanni

Brundle er þekktur fyrir að taka viðtöl fyrir keppnir í Formúlu 1, ökuþóra, liðsstjóra og þekkta einstaklinga.

Engin vöntun var á stjörnum í Miami í gær en meðal þeirra sem fylgdust með kappakstrinum voru Michelle Obama, Michael Jordan, Serena Williams, Pharrell Williams, DJ Khaled, Tom Brady, David Beckham og Patrick Mahomes.

Brundle ætlaði að tala við Mahomes og hélt að hann hefði gómað leikstjórnandann snjalla. Snemma í viðtalinu kom í ljós að viðmælandinn var alls ekki Mahomes heldur körfuboltamaðurinn ungi Paolo Banchero.

Brundle bað Banchero afsökunar á mistökunum. Hinn nítján ára Banchero, sem er einn efnilegasti körfuboltamaður Bandaríkjanna, virtist ekki erfa þau við Brundle, allavega miðað við viðbrögð hans á Twitter.

Banchero og Mahomes eru vissulega ekki ólíkir í útliti þótt hæðarmunur greini þá í sundur. Mahomes er 1,91 metrar á hæð en Banchero 2,08 metrar.

Banchero lék með Duke háskólanum við góðan orðstír í vetur. Eftir tímabilið ákvað hann að gefa kost á sér í nýliðaval NBA-deildarinnar. Í vetur var Banchero með 17,2 stig, 7,8 fráköst og 3,2 stoðsendingar að meðaltali í leik.

Heimsmeistarinn Max Verstappen hrósaði sigri í kappakstrinum í Miami, sem var sá fyrsti þar í borg. Verstappen hefur unnið tvær keppnir í röð og þrjár alls á tímabilinu.