Piquet biðst afsökunar og segist ekki hafa ætlað að gera lítið úr Hamilton vegna húðlitar

Piquet notaði rassísk orð þegar hann talaði um Lewis Hamilton, sjöfaldan heimsmeistara í Formúlu 1, í hlaðvarpsþætti á portúgölsku þar sem var verið að ræða umdeildan árekstur þeirra Hamilton og Max Verstappen í Silverstone kappakstrinum.

Þessi 69 ára fyrrum ökuþór hefur nú beðist afsökunar og segist ekki hafa ætlað sér að gera lítið úr Hamilton vegna húðlitar hans.

„Ég fordæmi harðlega þær hugmyndir að orðið sem ég notaði hafi verið notað með það fyrir augum að gera lítið úr ökumanni vegna húðlitar hans,“ sagði Piquet.

„Ég bið alla þá sem ummæli mín höðu áhrif á afsökunar, þar á meðal Lewis.“

Piquet sagðist einnig ekki ætla að verja það sem hann sagði, en að orðið sem hann hafi notað sé bara annað orð yfir manneskju.

„Þetta er orð sem hefur lengi verið notað í almennu tali í brasilískri portúgölsku sem samheiti yfir „gaur“ eða „manneskju“ og það var aldrei ætlun mín að móðga neinn,“ sagði Piquet.

„Ég myndi aldrei nota þetta orð sem ég er sakaður um í einhverjum þýðingum. Þýðingin frá fréttamiðlum sem gengur nú um samfélagsmiðla er ekki rétt. Mismunun á sér engan stað í Formúlu 1, eða í samfélaginu.“