For­sætis­ráð­herrann orðinn for­seti og neyðar­á­standi lýst yfir

Ráðherrann er afar óvinsæll og óvinsældir hans virðast hafa aukist í kjölfar þess að útgöngubanni var komið á. Mótmælendur hafa hafist við í forsetahöllinni um nokkurt skeið og af myndum mætti ætla að um ferðamannastað væri að ræða.

Ástandið í höfuðborginni Colombo er afar skrautlegt en á sama tíma og lögregla hefur verið að skjóta táragasi að mótmælendum hefur herinn sprautað vatni yfir fjöldann til að vinna gegn gasinu.

Forsetinn lýsti því yfir fyrr í vikunni að hann myndi verða við áköllum og segja af sér en það vildi hann ekki gera fyrir en hann væri kominn úr landi þar sem friðhelgi hans fellur samstundis úr gildi. Afsagnarbréfið er sagt vera til en hefur enn ekki verið formlega skilað inn og því ekki hægt að velja nýjan forseta.

Samkvæmt BBC verður bréfið ekki lagt fram fyrr en forsetinn er kominn á endanlegan áfangastað, sem er ókunnugur.