Fótbolti

Malmö úr leik í Meistaradeildinni eftir tap á heimavelli

Atli Arason skrifar
Það mun hitna verulega undir Milos Milojevic eftir tapið gegn Zalgiris í kvöld. 
Það mun hitna verulega undir Milos Milojevic eftir tapið gegn Zalgiris í kvöld.  Malmö FF

Lærisveinar Milos Milojevic í sænska stórliðinu Malmö leika ekki meira í Meistaradeild Evrópu þetta árið eftir tap gegn litháíska liðinu Zalgriris á heimavelli, 0-2. Zalgiris vann fyrri leikinn á sínum heimavellill 1-0 og fer því áfram með samanlögðum 3-0 sigri.

Mathias Oyewusi skoraði fyrra mark leiksins á 34. mínútu áður en Renan Oliveira bætti því síðara við á 52. mínútu.

Vont varð verra fyrir Malmö á 77. mínútu þegar Anders Christiansen gerði endanlega út um endurkomuvonir Malmö með því að sækja sitt seinna gula spjald og þar með rautt.

Zalgiris fer því áfram í næstu umferð forkeppni Meistaradeildarinnar þar sem liðið mætir Alfons Sampsted og félögum í Bodø/Glimt. Malmö fellur hins vegar niður í forkeppni Evrópudeildarinnar þar sem næsti andstæðingur liðsins verður Dudelange frá Lúxemborg.

Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið