Héraðið Marche kom verst út úr rigningunni en götur borga og bæja eru margar hverjar á floti. Bæjarstjóri Ancona, héraðshöfuðborgar Marche, sagði í samtali við ítalska ríkisútvarpið að honum hafi liðið eins og það væri stór jarðskjálfti á svæðinu.
Búist var við rigningu á svæðinu en alls ekki svona mikilli. Um 400 millimetrar af rigningu féllu á tveimur til þremur tímum en ársmeðaltalið á svæðinu er 800 millimetrar.
