Innlent

Alvarlegar athugasemdir gerðar við að ráðherra hafi ekki mætt

Margrét Helga Erlingsdóttir skrifar
Arndís Anna fulltrúi Pírata í Allherjar- og menntamálanefnd þingsins lagði fram bókun eftir fundinn þar sem alvarlegar athugasemdir eru gerðar við stjórn nefndarinnar.
Arndís Anna fulltrúi Pírata í Allherjar- og menntamálanefnd þingsins lagði fram bókun eftir fundinn þar sem alvarlegar athugasemdir eru gerðar við stjórn nefndarinnar. Vísir/Arnar

Fulltrúar frá stoðdeild ríkislögreglustjóra sátu fyrir svörum um framkvæmd ákvarðana um fjöldabrottvísun á fundi allsherjar og menntamálanefndar í morgun. Fundurinn fór ekki eins og vonir margra nefndarmanna stóðu til en þeir höfðu vonast til þess að fulltrúi frá Útlendingastofnun og dómsmálaráðherra kæmu fyrir nefndina til að sitja fyrir svörum um það verklag sem var viðhaft við umdeilda fjöldabrottvísun í síðustu viku.

Arndís Anna Kristínardóttir Gunnarsdóttir fulltrúi Pírata í nefndinni segir að formaður nefndarinnar hefði ekki fyrr en í gærkvöldi sagt þeim að einungis fulltrúar frá ríkislögreglustjóra yrði viðstaddir fundinn þrátt fyrir beiðni nefndarmanna.

„Ekki með nokkrum hætti. Það var ekkert sem kom fram á fundinum í síðustu viku sem gaf til kynna að það væru nein vandkvæði á því að þessir aðilar yrðu boðaði rá fundinn og í rauninni lætur formaðurinn eins og beiðnin sé að koma fyrst fram núna þegar þetta var rætt í miklum hita á síðasta fundinn og að var alveg skýrt hver beiðnin var,“ segir Arndís sem bendir á að mikið liggi á þessum máli og því sé í raun óboðlegt að ráðherra hafi ekki setið fundinn.

Arndís hefur lagt fram bókun þar sem gerðar eru alvarlegar athugasemdir við stjórn nefndarinnar af hálfu formanns.

Bryndís Haraldsdóttir, formaður allsherjar-og menntamálanefndar, sagði að loknum fundi að dómsmálaráðherra og fulltrúar frá Útlendingastofnun verði boðaðir á næsta fund nefndarinnar.

Bryndís Haraldsdóttir er formaður allsherjar-og menntamálanefndar.Vísir/Vilhelm

„En eins og þið tókuð kannski eftir þá dróst fundurinn svolítið á langinn þannig að umræðuefnin eru mörg þannig að það var bara fínt að fá þessa aðila núna sem sáu um framkvæmdina og þekkja hana til að svara þeim spurningum og í kjölfarið getum við rætt við bæði Útlendingastofnun og ráðherra,“ segir Bryndís.

Bryndís sagði að henni hefði fundist góð og upplýsandi umræða hafa skapast á fundinum en fyrir svörum voru meðal annars aðilar sem voru í leigufluginu til Grikklands.

„Það er auðvitað ljóst að það er ýmislegt sem hefði mátt betur fara en ég held samt sem áður að það sé hægt að fullyrða það að þessir ágætu einstaklinga hafi verið að gera sitt allra, allra besta í mjög erfiðum aðstæðum.“

Arndís var spurð hvað henni fyndist um svör stoðdeildar ríkislögreglustjóra.

„Þau voru svo sem fyrirsjáanleg og mörg þeirra höfðu komið fram í fjölmiðlum nú þegar og alveg ljóst að ranglætið liggur víða þegar kemur að þessum brottvísunum.“

Þú ert ekki mjög sátt eftir þennan fund?

„Alls ekki,“ segir Arndís.



Fréttin hefur verið uppfærð með viðtali við Bryndísi Haraldsdóttur. 

Alþingi Hælisleitendur Grikkland Píratar

Tengdar fréttir

Hundrað og sextán hafa verið fluttir eða sendir úr landi á árinu og 39 finnast ekki

Dómsmálaráðherra telur ekki ástæðu til að endurskoða brottflutning hælisleitenda til Grikklands, ólíkt félagsmálaráðherra Vinstri grænna, sem telur hollt að taka þá umræðu. Á þessari stundu stendur til að vísa 98 flóttamönnum úr landi sem hér eru, en af þeim finnast ekki 39. Hundrað og sextán hefur verið komið úr landi það sem af er ári.

Fór í öskrandi panikk þegar hún fékk fréttirnar

Vinkona írösku systranna sem vísað var úr landi fyrir helgi segir þær nú búa við ömurlegar aðstæður í Grikklandi. Verkefnastjóri hjá Þroskahjálp krefst þess að fatlaður bróðir systranna, sem einnig var sendur brott, verði sóttur aftur. Mörg hundruð manns mótmæltu umdeildri fjöldabrottvísun á hælisleitendum í dag.

Mest lesið


Fleiri fréttir

Sjá meira


×

Mest lesið