Senegalar ráða töfralækna til að gera Mané kláran fyrir HM

Mané meiddist á ökkla í sigri Bayern München á Werder Bremen í þýsku úrvalsdeildinni á þriðjudaginn og þurfti að fara af velli. 

Hann er í HM-hópi Senegala sem ætla að gera allt til að stærasta stjarna þeirra geti spilað á heimsmeistaramótinu og vonast til að æðri máttarvöld rétti þeim hjálparhönd.

„Við munum nota töfralækna. Ég veit ekki hvort það virkar en við nýtum okkur þá samt. Vonandi gerast kraftaverkin. Hann verður að vera með okkur,“ sagði Fatma Samoura, framkvæmdastjóri senegalska knattspyrnusambandsins.

Senegal er í A-riðli heimsmeistaramótsins ásamt Hollandi, Ekvador og heimaliði Katar. Fyrsti leikur Afríkumeistaranna á HM er gegn Hollendingum 21. nóvember.

Mané gekk í raðir Bayern frá Liverpool í sumar. Hann hefur skorað ellefu mörk í 23 leikjum fyrir Þýskalandsmeistarana á tímabilinu.