Pabbi Jennifer Aniston er fallinn frá

Faðir hennar er þekktastur fyrir hlutverk sitt í Days of Our Lives sápuóperunni þar sem hann lék persónuna Victor Kiriakis. Jennifer segir tímasetningu föður síns hafa verið fullkomna en hann féll frá þann 11.11.22. Leikkonan er með húðflúr á úlnliðnum með tölunum 11.11 sem hún fékk sér árið 2018. Hún segir húðflúrið hafa öðlast enn meiri merkingu fyrir sér eftir fráfallið en það hafði áður.

„Þú varst ein fallegasta mannvera sem ég hef kynnst,“ segir hún í tilkynningunni. Jennifer segist vera þakklát því að faðir sinn hafi fengið að kveðja þennan heim án þjáninga. „Ekki gleyma að koma í heimsókn,“ segir hún að lokum.