Einn sá spilltasti tapaði áfrýjun og verður loks framseldur til Bandaríkjanna Valur Páll Eiríksson skrifar 18. nóvember 2022 12:01 Jack Warner tapaði líklega sinni síðustu áfrýjun og verður líklega framseldur til Bandaríkjanna eftir sjö ára stapp fyrir dómstólum. vísir/gety Trínidadinn Jack Warner, fyrrum varaforseti Alþjóðaknattspyrnusambandsins, FIFA, tapaði í gær áfrýjun fyrir áfrýjunarrétti breska samveldisins í Lundúnum og má því vera framseldur frá heimalandi sínu til Bandaríkjanna vegna stórfelldra spillingarmála. Warner var á meðal þeirra sem sat í framkvæmdanefnd FIFA árið 2010 sem kaus um að senda HM í fótbolta til Rússlands 2018 og Katar 2022. Hann tók sæti í nefndinni árið 1983 og sat í henni í 28 ár, til ársins 2011. Hann hafði þá, 2011, nýlega tekið við sem varaforseti FIFA, samhliða því að vera forseti Knattspyrnusambands Norður-Ameríku (CONCACAF), staða sem hann sinnti frá 1990 til 2011. Það ár tilkynnti FIFA að hann yrði neyddur til að stíga til hliðar frá öllum störfum tengdum fótbolta eftir víðtækar ásakanir um spillingu. Kornið sem fyllti mælinn var þegar hann stóð að fundi ásamt Kataranum Mohamed Bin Hammam, með fulltrúum knattspyrnusambanda Mið-Ameríkuríkjanna og þeim boðnir bréfpokar fullir af peningum. Að sögn voru þeir peningar ætlaðir fyrir atkvæði til Bin Hammam sem ætlaði sér fram gegn Sepp Blatter í forsetakosningum FIFA. Hefur barist gegn framsali frá 2015 Warner er talinn hafa dregið til sín milljónir á milljónir dollara ofan á meðan hann sinnti sínum störfum hjá FIFA og CONCACAF og er á meðal þeirra sem var sakaður um fjármálamisferli af Bandarísku alríkislögreglunni, FBI, í víðtækum handtökum hennar árið 2015. Þá voru synir Warners handteknir af FBI þegar þeir voru staddir í Bandaríkjunum það ár sakaðir um peningaþvætti. Þeir áttu að hafa þvegið allar þær mútur og illa fengið fé sem pabbi þeirra aflaði við sín störf. Bandarísk yfirvöld töldu sig þá hafa skiptimynt fyrir samvinnu Warners, en á þeim tíma mátti ekki framselja hann þar sem hann var starfandi þingmaður í heimalandinu. Hann hefur síðan barist gegn framsali á fjölmörgum dómstigum, þar sem dómur hefur fallið gegn honum á hverju einasta og líklegt þykir að hann eigi fáa áfrýjunarkosti eftir í kjölfar dómsins sem féll í Lundúnum í gær. Dómarar í dómsmálaráði ráðgjafanefndar bresku krúnunnar (e. Judicial Committee of the Privy Council) sem er hæsti áfrýjunarréttur fjölmargra ríkja í breska samveldinu, tók einróma ákvörðun um að hafna áfrýjun Warners samkvæmt frétt Reuters. Dró að sér 11 milljarða frá CONCACAF Auk starfseminnar tengd FIFA sem Warner var ákærður fyrir árið 2015 fyrir tilstuðlan FBI var hann í júlí 2019 var Warner dæmdur til að endurgreiða CONCACAF 79 milljónir bandaríkjadala, tæplega 11 og hálfan milljarð króna, sem hann hafði svindlað út úr sambandinu. Í heimildaseríunni FIFA: Uncovered á Netflix segja fyrrum landsliðsmenn Trínídad og Tóbagó frá því hvernig þeir hlutu aðeins 650 dollara á mann frá knattspyrnusambandi landsins fyrir að taka þátt á HM 2006, þrátt fyrir samkomulag við Warner um töluvert hærri fjárhæð. Warner hafði þá fallist á að greiða þeim háa prósentu af tekjum trínidadíska sambandsins af HM en dregið frá allan kostað af uppialdi, ferðalögum og slíku í kringum mótið af greiðslum til leikmanna. Sjálfur á hann svo að hafa dregið til sín 15 milljónir dollara í eigin vasa af gróða trínidadíska sambandsins af mótinu. Þá í apríl 2020 var leynd lyft af skjölum FBI sem sýndu fram á að Warner hefði tekið við fimm milljónum dollara fyrir að kjósa Rússland sem gestgjafa á HM 2018. Þær greiðslur fóru í gegnum fjölmörg mismunandi skúffufyrirtæki í Kýpur, Aguillu og Jómfrúareyjum. FIFA HM 2022 í Katar Trínidad og Tóbagó Bretland Mest lesið Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn KR vann nýliðaslaginn Körfubolti Grindvíkingar horfa áfram út fyrir landsteinana Körfubolti Tottenham bjargaði stigi í Noregi Fótbolti Meistararnir byrja á góðum sigri Körfubolti Uppgjörið: Þróttur - Breiðablik 3-2 | Aftur mistókst Blikum að tryggja titilinn Íslenski boltinn Uppgjör: Víkingur - Valur 3-0 | Sannfærandi heimasigur í rigningunni Íslenski boltinn „Eina leiðin að segja já og amen við dómaranefndina“ Körfubolti Heimir yfirgefur FH að tímabilinu loknu Íslenski boltinn Fleiri fréttir „Síðan koma raddir um að þetta sé ekkert svo alvarlegt“ Tottenham bjargaði stigi í Noregi „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni Heimir yfirgefur FH að tímabilinu loknu Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Þróttur - Breiðablik 3-2 | Aftur mistókst Blikum að tryggja titilinn Mbappé fór mikinn í Kasakstan Mourinho knúsaði gamla vinnufélaga en er rauður í kvöld Gera aðra atlögu að titlinum eftir handleggsbrot Elínar Helenu Héldu vöku fyrir leikmönnum Liverpool Davíð Smári hissa: „Sökudólgur sjálfur með því að setja viðmiðið mjög hátt“ Hans Viktor framlengir við KA Refsað fyrir rasisma mikils fjölda áhorfenda Fengu nóg af skeytingarleysi og mismunun Jón Þór ráðinn í björgunaraðgerðir hjá Vestra Sjáðu boltahnupl Valdimars sem nánast tryggði Víkingum titilinn Ræddu brotthvarf Davíðs: „Þetta er eins og köld vatnsgusa“ Amorim að verða uppiskroppa með afsakanir Opinberað að Beard tók eigið líf Uppgjörið: Stjarnan - Víkingur 2-3 | Valdimar Þór fór langleiðina með að tryggja titilinn „Verðum bara að halda áfram þangað til að þetta er búið“ Sölvi Geir eftir dramatískan sigur í Garðabæ: „Það er alltaf trú“ Enskir skoruðu mörkin í Bítlaborginni Mikael Ellert og félagar í vondum málum Mikael, Kolbeinn og Stefán Ingi á skotskónum Davíð Smári hættur fyrir vestan Þjálfari Fram: „Hvað er árið aftur?“ Sjá meira
Warner var á meðal þeirra sem sat í framkvæmdanefnd FIFA árið 2010 sem kaus um að senda HM í fótbolta til Rússlands 2018 og Katar 2022. Hann tók sæti í nefndinni árið 1983 og sat í henni í 28 ár, til ársins 2011. Hann hafði þá, 2011, nýlega tekið við sem varaforseti FIFA, samhliða því að vera forseti Knattspyrnusambands Norður-Ameríku (CONCACAF), staða sem hann sinnti frá 1990 til 2011. Það ár tilkynnti FIFA að hann yrði neyddur til að stíga til hliðar frá öllum störfum tengdum fótbolta eftir víðtækar ásakanir um spillingu. Kornið sem fyllti mælinn var þegar hann stóð að fundi ásamt Kataranum Mohamed Bin Hammam, með fulltrúum knattspyrnusambanda Mið-Ameríkuríkjanna og þeim boðnir bréfpokar fullir af peningum. Að sögn voru þeir peningar ætlaðir fyrir atkvæði til Bin Hammam sem ætlaði sér fram gegn Sepp Blatter í forsetakosningum FIFA. Hefur barist gegn framsali frá 2015 Warner er talinn hafa dregið til sín milljónir á milljónir dollara ofan á meðan hann sinnti sínum störfum hjá FIFA og CONCACAF og er á meðal þeirra sem var sakaður um fjármálamisferli af Bandarísku alríkislögreglunni, FBI, í víðtækum handtökum hennar árið 2015. Þá voru synir Warners handteknir af FBI þegar þeir voru staddir í Bandaríkjunum það ár sakaðir um peningaþvætti. Þeir áttu að hafa þvegið allar þær mútur og illa fengið fé sem pabbi þeirra aflaði við sín störf. Bandarísk yfirvöld töldu sig þá hafa skiptimynt fyrir samvinnu Warners, en á þeim tíma mátti ekki framselja hann þar sem hann var starfandi þingmaður í heimalandinu. Hann hefur síðan barist gegn framsali á fjölmörgum dómstigum, þar sem dómur hefur fallið gegn honum á hverju einasta og líklegt þykir að hann eigi fáa áfrýjunarkosti eftir í kjölfar dómsins sem féll í Lundúnum í gær. Dómarar í dómsmálaráði ráðgjafanefndar bresku krúnunnar (e. Judicial Committee of the Privy Council) sem er hæsti áfrýjunarréttur fjölmargra ríkja í breska samveldinu, tók einróma ákvörðun um að hafna áfrýjun Warners samkvæmt frétt Reuters. Dró að sér 11 milljarða frá CONCACAF Auk starfseminnar tengd FIFA sem Warner var ákærður fyrir árið 2015 fyrir tilstuðlan FBI var hann í júlí 2019 var Warner dæmdur til að endurgreiða CONCACAF 79 milljónir bandaríkjadala, tæplega 11 og hálfan milljarð króna, sem hann hafði svindlað út úr sambandinu. Í heimildaseríunni FIFA: Uncovered á Netflix segja fyrrum landsliðsmenn Trínídad og Tóbagó frá því hvernig þeir hlutu aðeins 650 dollara á mann frá knattspyrnusambandi landsins fyrir að taka þátt á HM 2006, þrátt fyrir samkomulag við Warner um töluvert hærri fjárhæð. Warner hafði þá fallist á að greiða þeim háa prósentu af tekjum trínidadíska sambandsins af HM en dregið frá allan kostað af uppialdi, ferðalögum og slíku í kringum mótið af greiðslum til leikmanna. Sjálfur á hann svo að hafa dregið til sín 15 milljónir dollara í eigin vasa af gróða trínidadíska sambandsins af mótinu. Þá í apríl 2020 var leynd lyft af skjölum FBI sem sýndu fram á að Warner hefði tekið við fimm milljónum dollara fyrir að kjósa Rússland sem gestgjafa á HM 2018. Þær greiðslur fóru í gegnum fjölmörg mismunandi skúffufyrirtæki í Kýpur, Aguillu og Jómfrúareyjum.
FIFA HM 2022 í Katar Trínidad og Tóbagó Bretland Mest lesið Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn KR vann nýliðaslaginn Körfubolti Grindvíkingar horfa áfram út fyrir landsteinana Körfubolti Tottenham bjargaði stigi í Noregi Fótbolti Meistararnir byrja á góðum sigri Körfubolti Uppgjörið: Þróttur - Breiðablik 3-2 | Aftur mistókst Blikum að tryggja titilinn Íslenski boltinn Uppgjör: Víkingur - Valur 3-0 | Sannfærandi heimasigur í rigningunni Íslenski boltinn „Eina leiðin að segja já og amen við dómaranefndina“ Körfubolti Heimir yfirgefur FH að tímabilinu loknu Íslenski boltinn Fleiri fréttir „Síðan koma raddir um að þetta sé ekkert svo alvarlegt“ Tottenham bjargaði stigi í Noregi „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni Heimir yfirgefur FH að tímabilinu loknu Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Þróttur - Breiðablik 3-2 | Aftur mistókst Blikum að tryggja titilinn Mbappé fór mikinn í Kasakstan Mourinho knúsaði gamla vinnufélaga en er rauður í kvöld Gera aðra atlögu að titlinum eftir handleggsbrot Elínar Helenu Héldu vöku fyrir leikmönnum Liverpool Davíð Smári hissa: „Sökudólgur sjálfur með því að setja viðmiðið mjög hátt“ Hans Viktor framlengir við KA Refsað fyrir rasisma mikils fjölda áhorfenda Fengu nóg af skeytingarleysi og mismunun Jón Þór ráðinn í björgunaraðgerðir hjá Vestra Sjáðu boltahnupl Valdimars sem nánast tryggði Víkingum titilinn Ræddu brotthvarf Davíðs: „Þetta er eins og köld vatnsgusa“ Amorim að verða uppiskroppa með afsakanir Opinberað að Beard tók eigið líf Uppgjörið: Stjarnan - Víkingur 2-3 | Valdimar Þór fór langleiðina með að tryggja titilinn „Verðum bara að halda áfram þangað til að þetta er búið“ Sölvi Geir eftir dramatískan sigur í Garðabæ: „Það er alltaf trú“ Enskir skoruðu mörkin í Bítlaborginni Mikael Ellert og félagar í vondum málum Mikael, Kolbeinn og Stefán Ingi á skotskónum Davíð Smári hættur fyrir vestan Þjálfari Fram: „Hvað er árið aftur?“ Sjá meira