Sport

Er einn af þeim sem breytti leiknum að eigin sögn en vantar hring

Andri Már Eggertsson skrifar
James Harden í leik gegn Golden State Warriors
James Harden í leik gegn Golden State Warriors Vísir/Getty

James Harden, leikmaður Philadelphia 76ers, var í viðtali við Fox Sports á dögunum þar sem hann sagði að hann væri einn af þeim sem hafi breytt körfuboltaleiknum. Philadelphia 76ers er í fimmta sæti Austurdeildarinnar eftir 16 sigurleiki og 12 tapleiki.

James Harden hefur verið að glíma við meiðsli og í hans fjarveru tapaði Philadelphia 76ers sex leikjum. Eftir að James Harden sneri til baka hefur 76ers tapað einum leik og unnið fjóra í röð. Philadelphia 76ers vann ríkjandi NBA meistara Golden State Warriorsí síðasta leik 106-118.

James Harden er einn af stjörnum NBA-deildarinnar og í viðtali við Fox Sports vildi hann meina að hann væri einn af þeim sem hafi breytt leiknum.

„Ég er einn af þeim sem breytti leiknum í körfubolta. Í hreinskilni þá vantar mig bara titil,“ sagði James Harden sem segist aðeins eiga eftir að verða NBA meistari til að fullkomna sinn feril.

 Næsti leikur Philadelphia 76ers er aðfaranótt þriðjudags þar sem 76ers fær Toronto Raptors í heimsókn.

NBA Körfubolti

Mest lesið


Fleiri fréttir

Sjá meira


×

Mest lesið