Viðskipti erlent

Mikill fjöldi við­skipta­vina hluti af hóplög­sókn

Ellen Geirsdóttir Håkansson skrifar
Sam Bankman-Fried á góðgerðarviðburði í New York í júní. Hann lét háar fjárhæðir af hendi rakna til góðgerðarsamtaka. Þau sitja nú í súpunni ásamt fjölda fjárfesta og viðskiptavina eftir að FTX hrundi.
Sam Bankman-Fried á góðgerðarviðburði í New York í júní. Hann lét háar fjárhæðir af hendi rakna til góðgerðarsamtaka. Þau sitja nú í súpunni ásamt fjölda fjárfesta og viðskiptavina eftir að FTX hrundi. Vísir/Getty

Viðskiptavinir rafmyntaverkvangsins FTX hafa nú stofnað til hóplögsóknar og freista þess að fá eitthvað af eignum sínum til baka eftir fall fyrirtækisins. Mögulegt er að hóplögsóknin muni ná yfir eina milljón viðskiptavina sem halda því fram að þeir eigi fyrstir rétt á greiðslu frá fyrirtækinu.

Sam Bankman-Fried, stofnandi FTX er sakaður um að hafa framið stórfelld skattsvik gagnvart viðskiptavinum og fjárfestum. Hann var ákærður fyrir fjársvik, ólögleg kosningaframlög og peningaþvætti.

FTX varð gjaldþrota í nóvember síðastliðnum en um svipað leyti bárust fregnir af því að viðskiptahættir rafmyntaverkvangsins væru til rannsóknar. Áhyggjur af stöðu fyrirtækisins leiddu til áhlaups og á þremur sólarhringum seldu viðskiptavinir rafmyntir sínar fyrir um 889 milljarða íslenskra króna.

Eignir FTX voru síðar frystar en fyrirtækið er sagt skulda fimmtíu stærstu kröfuhöfum búsins 441 milljarð íslenskra króna.

Viðskiptavinirnir sem lögsækja nú FTX óska eftir staðfestingu þess efnis að rafrænar eignir verkvangsins séu eign þeirra. Lögsóknin er sögð tilraun viðskiptavina til þess að fá eitthvað af eignum sínum til baka frá fyrirtækinu en líkur á því virðist hverfandi. Þessu greinir Reuters frá.

Færð eru rök fyrir því að viðskiptavinirnir eigi fyrstir að fá borgað til baka í stað annarra lánardrottna. Mögulegt er að hóplögsóknin muni ná utan um eina milljón viðskiptavina FTX.

Rafmyntir Gjaldþrot FTX Bandaríkin

Tengdar fréttir

Milljarða­eignir FTX sagðar horfnar

Verulegum hluta eigna fallna rafmyntarkauphallarinnar FTX var stolið eða er horfinn, að sögn lögmanna fyrirtækisins. Lögmaður fyrirtækisins heldur því fram að Sam Bankman-Fried, fyrrverandi forstjóri FTX, hafi rekið það eins og persónulegt lén sitt.

Raf­mynta­keisarinn sem reyndist nakinn

Stofnandi rafmyntakauphallarinnar FTX var hylltur sem einhvers konar kennifaðir rafmyntarbransans og viðraði sig upp við stórstjörnur og stjórnmálamenn. Allt að milljón fjárfesta og viðskiptavina sitja nú uppi með milljarða dollara tap eftir skyndilegt hrun fyrirtækisins.

Laus gegn tug milljarða tryggingu sakaður um sögu­leg fjár­svik

Umdæmisdómstóll í New York féllst á að sleppa Sam Bankman-Fried, stofnanda rafmyntafyrirtækisins FTX, úr varðhaldi gegn himinhárri tryggingu í gær. Saksóknari sakaði Bankman-Fried um að hafa framið fjársvik af sögulegri stærðargráðu.



Mest lesið


Fleiri fréttir

Sjá meira


×

Mest lesið