Ekkert til í því að Ron­aldo geti komið á láni ef liðið kemst í Meistara­deildina

Ronaldo gekk til liðs við Al-Nassr í Sádí-Arabíu á dögunum, en félagið er rekið af konungsfólki þar í landi. Newcastle er í eigu Mohammed Bin Salmans, krónprins Sádí-Arabíu, og hinir ýmsu miðla greindu frá því í vikunni að þessi tengsl hefðu orðið til þess að klásúla hafi verið sett í samning Ronaldo við sitt nýja félag.

Spænski miðillinn Marca var meðal þeirra miðla sem greindu frá því að samkvæmt klásúlunni gæti Ronaldo verið lánaður til Newcastle takist liðinu að tryggja sér sæti í Meistaradeild Evrópu. Þá var einnig greint frá umræddri klásúlu á Sky Sports.

Eddie Howe, knattspyrnustjóri Newcastle, sagði þó fyrir leik sinna manna gegn Arsenal í gærkvöldi að þetta væru einungis sögusagnir sem ekkert væri til í.

„Við Óskum Cristiano alls hins besta á sinni vegferð, en það er ekki sannleikskorn í þessu af okkar hálfu,“ sagði Howe aðspurður út í málið.