Einkunnir strákanna okkar á móti Svíþjóð: Gísli Þorgeir besti maður liðsins Íþróttadeild Sýnar skrifar 20. janúar 2023 22:05 Gísli Þorgeir Kristjánsson reyndi sitt og gerði hverja árásina á fætur annarri á þunga og stóra Svía. Vísir/Vilhlem Strákarnir okkar fengu erfitt verkefni í kvöld og það þurftu mun fleiri leikmenn að spila betur ef íslenska liðið átti að halda sér á lífi á þessu heimsmeistaramóti. Íslenska handboltalandsliðið tapaði með fimm marka mun á móti Svíum, 30-35, í leik upp á líf eða dauða í milliriðli á heimsmeistaramótinu í handbolta í Svíþjóð og Póllandi. Eftir þessi úrslit þá á íslenska liðið litla sem enga möguleika á því að tryggja sér sæti í átta liða úrslitum á mótinu og kvöldið því mikil vonbrigði. Íslenska liðið fór illa með dauðafærin í leiknum og mátti ekki við því að missa Aron Pálmarsson fyrir leik og Ómar Inga Magnússon snemma leiks. Gísli Þorgeir Kristjánsson reyndi sitt og það vantaði ekki baráttuna í leik íslenska liðsins en á móti kom að það vantaði talsvert upp á gæðin í góðum færum í seinni hálfleiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Gísli Þorgeir var besti leikmaður íslenska liðsins í kvöld að mati okkar en hann var stórkostlegur í fyrri hálfleiknum. Bjarki Már Elísson og Kristján Örn Kristjánsson léku líka vel og fengu báðir fimmu fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svíþjóð: - Byrjunarlið Íslands í leiknum - Björgvin Páll Gústavsson, mark - 2 (0 varin skot- 15:15 mín.) Fann engan takt í leiknum. Auðvitað voru færin erfið en hann á samt að geta gert betur. Byrjaði frábærlega í fyrsta leiknum gegn Portúgal en náði ekki að fylgja því eftir. Í aðdraganda mótsins áttum við engan betri kost en Björgvin Pál. Bjarki Már Elísson, vinstra horn - 5 (8 mörk - 56:17 mín.) Átti frábæran leik. Var sterkur og einbeittur, ekki síst varnarlega. Skoraði átta mörk úr tíu skotum og í raun ekki hægt að fara fram á meira. Verið langbesti leikmaður Íslands á mótinu. Janus Daði Smárason, vinstri skytta - 2 (2 mörk - 32:10 mín.) Byrjaði leikinn afar illa. Skotval ekki gott og tæknimistök því miður of mörg. Á þessu stigi, í keppni við þá bestu, er það ekki boðlegt. Leikmaður sem hins vegar oftar en ekki hefur leyst okkur úr snörunni þegar illa hefur gengið. Því var miður ekki að heilsa í Gautaborg. Gísli Þorgeir Kristjánsson, leikstjórnandi - 5 (5 mörk - 33:29 mín.) Fyrri hálfleikurinn var það besta sem hann hefur sýnt á þessu heimsmeistaramóti. Þá var Gísli einfaldlega í heimsklassa. Fjögur mörk og sex stoðsendingar sem var í raun stórbrotin frammistaða. Gullvagninn úr Hafnarfirði reyndi hvað hann gat í síðari hálfleik en hann var með íslenska liðið á herðunum. Ómar Ingi Magnússon, hægri skytta - 3 (2 mörk - 17:18 mín.) Byrjaði leikinn mjög vel og virtist frískur og áræðinn. Því miður fyrir þennan magnaða leikmann varð hann frá að hverfa, ekki bara dýrt fyrir Ómar heldur kostaði það sitt fyrir íslenska liðið. Óðinn Þór Ríkharðsson, hægra horn - 3 (1 mark - 33:29 mín.) Var í fínum gír í fyrri hálfleik, áræðinn og klókur. Í raun óskiljanlegt að hann hafi ekki byrjað síðari hálfleikinn. Sjálfstraustið hjá Óðni það sem af er móti er í hæstu hæðum og hann verðskuldar meiri spiltíma. Elliði Snær Viðarsson, lína - 2 (3 mörk - 51:44 mín.) Átti afleitan dag. Klúðraði dauðafærum og var númeri of lítill varnarlega gegn sterkum Svíum. Í raun synd því Elliði hefur fram að þessu sýnt á þessu móti að hann er traustsins verður en því miður fauk það út í veður og vind gegn Svíþjóð. Ýmir Örn Gíslason, lína - 3 (6 stopp - 26:18 mín.) Barðist eins og grenjandi ljón og fyrri hálfleikurinn var það besta sem við höfum séð til Ýmis á mótinu. Geislaði af honum inn á vellinum þegar hann rak menn áfram. Baráttan var til fyrirmyndar en klókir Svíar báru íslensku varnarmennina ofurliði þegar leið á leikinn. Elvar Örn Jónsson, vinstri skytta - 2 (7 stopp - 32:53 mín.) Var að stíga upp eftir veikindi. Lagði sig fram, ekki síst í vörninni en fann engan takt í sínum leik. Fékk tækifæri í sókninni en þar féll Selfyssingurinn á prófinu. - Menn sem komu inn af bekknum í leiknum - Viktor Gísli Hallgrímsson, mark - 3 (14/1 varin skot- 41:33 mín.) Átti erfitt uppdráttar lengst af en ef tölfræðin er skoðuð þá var Viktor með markvörslu upp á 37 prósent sem er alls ekki slæmt. Leikmaður sem Ísland á inni með fleiri leikjum og meiri reynslu verður hann dýrmætur íslenska landsliðinu í framtíðinni. Kristján Örn Kristjánsson, hægri skytta - 5 (5 mörk - 17:30 mín.) Átti frábæra innkomu í íslenska liðið, skoraði fimm mörk, var áræðinn og með sjálfstraust. Það er ekki honum að kenna að fá ekki traustið og í rauninni með lífsins ólíkindum að hann hafi ekki fengið fleiri mínútur á þessu heimsmeistaramóti. Arnar Freyr Arnarsson, vörn - 4 (2 mörk - 12:39 mín.) Var virkilega sterkur í þessum leik. Skoraði tvö góð mörk og átti góða kafla í varnarleiknum. Þarna er á ferðinni tveggja metra maður sem á að nýtast betur ef spilað verður inn á hans styrkleika sem eru sannarlega fyrir hendi. Sigvaldi Guðjónsson, hægra horn - 2 (2 mörk - 27:27 mín.) Sigvaldi átti ekki góðan dag. Fór illa með dauðafæri og virtist þjakaður af spennu. Hefur fengið samkeppni um stöðuna í íslenska landsliðinu, spurning hvort að það hafi haft áhrif á hans frammistöðu.Viggó Kristjánsson, hægri skytta - 2 (0 mörk - 22:08 mín.) Tók við keflinu af Ómari Inga en fann engan takt í sinn leik. Hefur verið langt frá sínu besta á þessu heimsmeistaramóti, hefur átt ágæta spretti varnarlega en sóknarleikurinn hefur hins vegar verið afleitur. Tæknifeilarnir voru því miður of margir, leik eftir leik. Elvar Ásgeirsson, vinstri skytta - spilaði ekkiHákon Daði Styrmisson, vinstra horn - spilaði ekki Guðmundur Guðmundsson, þjálfari - 3 Fann fínar lausnir á leik Svía í fyrri hálfleik þar sem Ísland spilaði frábærlega í fimmtán mínútur. Auðvitað verður þjálfarinn ekki sakaður um það þegar leikmenn klúðra dauðafærum eins og raunin var í síðari hálfleik. Með ólíkindum að hann hafi falið Kristján Örn Kristjánsson á bekknum nánast allt mótið. Með frábært lið í höndunum og með ólíkindum að þetta lið komist ekki í átta liða úrslit ef af verður. Umspil um Ólympíusæti var markmiðið, það tókst ekki að ná því sem eru mikil vonbrigði. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur HM 2023 í handbolta Landslið karla í handbolta Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira
Íslenska handboltalandsliðið tapaði með fimm marka mun á móti Svíum, 30-35, í leik upp á líf eða dauða í milliriðli á heimsmeistaramótinu í handbolta í Svíþjóð og Póllandi. Eftir þessi úrslit þá á íslenska liðið litla sem enga möguleika á því að tryggja sér sæti í átta liða úrslitum á mótinu og kvöldið því mikil vonbrigði. Íslenska liðið fór illa með dauðafærin í leiknum og mátti ekki við því að missa Aron Pálmarsson fyrir leik og Ómar Inga Magnússon snemma leiks. Gísli Þorgeir Kristjánsson reyndi sitt og það vantaði ekki baráttuna í leik íslenska liðsins en á móti kom að það vantaði talsvert upp á gæðin í góðum færum í seinni hálfleiknum. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Gísli Þorgeir var besti leikmaður íslenska liðsins í kvöld að mati okkar en hann var stórkostlegur í fyrri hálfleiknum. Bjarki Már Elísson og Kristján Örn Kristjánsson léku líka vel og fengu báðir fimmu fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Svíþjóð: - Byrjunarlið Íslands í leiknum - Björgvin Páll Gústavsson, mark - 2 (0 varin skot- 15:15 mín.) Fann engan takt í leiknum. Auðvitað voru færin erfið en hann á samt að geta gert betur. Byrjaði frábærlega í fyrsta leiknum gegn Portúgal en náði ekki að fylgja því eftir. Í aðdraganda mótsins áttum við engan betri kost en Björgvin Pál. Bjarki Már Elísson, vinstra horn - 5 (8 mörk - 56:17 mín.) Átti frábæran leik. Var sterkur og einbeittur, ekki síst varnarlega. Skoraði átta mörk úr tíu skotum og í raun ekki hægt að fara fram á meira. Verið langbesti leikmaður Íslands á mótinu. Janus Daði Smárason, vinstri skytta - 2 (2 mörk - 32:10 mín.) Byrjaði leikinn afar illa. Skotval ekki gott og tæknimistök því miður of mörg. Á þessu stigi, í keppni við þá bestu, er það ekki boðlegt. Leikmaður sem hins vegar oftar en ekki hefur leyst okkur úr snörunni þegar illa hefur gengið. Því var miður ekki að heilsa í Gautaborg. Gísli Þorgeir Kristjánsson, leikstjórnandi - 5 (5 mörk - 33:29 mín.) Fyrri hálfleikurinn var það besta sem hann hefur sýnt á þessu heimsmeistaramóti. Þá var Gísli einfaldlega í heimsklassa. Fjögur mörk og sex stoðsendingar sem var í raun stórbrotin frammistaða. Gullvagninn úr Hafnarfirði reyndi hvað hann gat í síðari hálfleik en hann var með íslenska liðið á herðunum. Ómar Ingi Magnússon, hægri skytta - 3 (2 mörk - 17:18 mín.) Byrjaði leikinn mjög vel og virtist frískur og áræðinn. Því miður fyrir þennan magnaða leikmann varð hann frá að hverfa, ekki bara dýrt fyrir Ómar heldur kostaði það sitt fyrir íslenska liðið. Óðinn Þór Ríkharðsson, hægra horn - 3 (1 mark - 33:29 mín.) Var í fínum gír í fyrri hálfleik, áræðinn og klókur. Í raun óskiljanlegt að hann hafi ekki byrjað síðari hálfleikinn. Sjálfstraustið hjá Óðni það sem af er móti er í hæstu hæðum og hann verðskuldar meiri spiltíma. Elliði Snær Viðarsson, lína - 2 (3 mörk - 51:44 mín.) Átti afleitan dag. Klúðraði dauðafærum og var númeri of lítill varnarlega gegn sterkum Svíum. Í raun synd því Elliði hefur fram að þessu sýnt á þessu móti að hann er traustsins verður en því miður fauk það út í veður og vind gegn Svíþjóð. Ýmir Örn Gíslason, lína - 3 (6 stopp - 26:18 mín.) Barðist eins og grenjandi ljón og fyrri hálfleikurinn var það besta sem við höfum séð til Ýmis á mótinu. Geislaði af honum inn á vellinum þegar hann rak menn áfram. Baráttan var til fyrirmyndar en klókir Svíar báru íslensku varnarmennina ofurliði þegar leið á leikinn. Elvar Örn Jónsson, vinstri skytta - 2 (7 stopp - 32:53 mín.) Var að stíga upp eftir veikindi. Lagði sig fram, ekki síst í vörninni en fann engan takt í sínum leik. Fékk tækifæri í sókninni en þar féll Selfyssingurinn á prófinu. - Menn sem komu inn af bekknum í leiknum - Viktor Gísli Hallgrímsson, mark - 3 (14/1 varin skot- 41:33 mín.) Átti erfitt uppdráttar lengst af en ef tölfræðin er skoðuð þá var Viktor með markvörslu upp á 37 prósent sem er alls ekki slæmt. Leikmaður sem Ísland á inni með fleiri leikjum og meiri reynslu verður hann dýrmætur íslenska landsliðinu í framtíðinni. Kristján Örn Kristjánsson, hægri skytta - 5 (5 mörk - 17:30 mín.) Átti frábæra innkomu í íslenska liðið, skoraði fimm mörk, var áræðinn og með sjálfstraust. Það er ekki honum að kenna að fá ekki traustið og í rauninni með lífsins ólíkindum að hann hafi ekki fengið fleiri mínútur á þessu heimsmeistaramóti. Arnar Freyr Arnarsson, vörn - 4 (2 mörk - 12:39 mín.) Var virkilega sterkur í þessum leik. Skoraði tvö góð mörk og átti góða kafla í varnarleiknum. Þarna er á ferðinni tveggja metra maður sem á að nýtast betur ef spilað verður inn á hans styrkleika sem eru sannarlega fyrir hendi. Sigvaldi Guðjónsson, hægra horn - 2 (2 mörk - 27:27 mín.) Sigvaldi átti ekki góðan dag. Fór illa með dauðafæri og virtist þjakaður af spennu. Hefur fengið samkeppni um stöðuna í íslenska landsliðinu, spurning hvort að það hafi haft áhrif á hans frammistöðu.Viggó Kristjánsson, hægri skytta - 2 (0 mörk - 22:08 mín.) Tók við keflinu af Ómari Inga en fann engan takt í sinn leik. Hefur verið langt frá sínu besta á þessu heimsmeistaramóti, hefur átt ágæta spretti varnarlega en sóknarleikurinn hefur hins vegar verið afleitur. Tæknifeilarnir voru því miður of margir, leik eftir leik. Elvar Ásgeirsson, vinstri skytta - spilaði ekkiHákon Daði Styrmisson, vinstra horn - spilaði ekki Guðmundur Guðmundsson, þjálfari - 3 Fann fínar lausnir á leik Svía í fyrri hálfleik þar sem Ísland spilaði frábærlega í fimmtán mínútur. Auðvitað verður þjálfarinn ekki sakaður um það þegar leikmenn klúðra dauðafærum eins og raunin var í síðari hálfleik. Með ólíkindum að hann hafi falið Kristján Örn Kristjánsson á bekknum nánast allt mótið. Með frábært lið í höndunum og með ólíkindum að þetta lið komist ekki í átta liða úrslit ef af verður. Umspil um Ólympíusæti var markmiðið, það tókst ekki að ná því sem eru mikil vonbrigði. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur
HM 2023 í handbolta Landslið karla í handbolta Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira