Fótbolti

Aron og félagar komust aftur á sigurbraut

Hjörtur Leó Guðjónsson skrifar
Aron Einar Gunnarsson í búningi Al Arabi.
Aron Einar Gunnarsson í búningi Al Arabi. Getty/Simon Holmes

Aron Einar Gunnarsson og félagar hans í Al Arabi eru komnir aftur á sigurbraut í katörsku úrvalsdeildinni í fótbolta eftir öruggan 3-0 sigur gegn Al Rayyan í dag.

Aron var á sínum stað í byrjunarliði Al Arabi og lék hann í hjarta varnarinnar. Hann var þó tekinn af velli þegar um tíu mínútur voru til leiksloka.

Það var hins vegar sýrlenski framherjinn Omar Al Somah sem sá um markaskorun Al Arabi í dag, en hann skoraði þrennu fyrir liðið og tryggði þar með 3-0 sigur.

Eftir tvo tapleiki í röð er Al Arabi aftur komið á sigurbraut og situr í öðru sæti katörsku úrvalsdeildarinnar með 25 stig eftir tólf leiki, fjórum stigum minna en topplið Al-Duhail.

Katarski boltinn

Mest lesið


Fleiri fréttir

Sjá meira


×

Mest lesið