Innlent

Lindarhvoli ber að afhenda álitsgerð MAGNA um félagið

Ólafur Björn Sverrisson skrifar
jarni Benediktsson fjármálaráðherra, Esther Finnbogadóttur sérfræðingur á skrifstofu stjórnunar og umbóta í fjármálaráðuneytinu en hún sat jafnframt í stjórn Lindarhvols sem varamaður og Sigurður Valtýsson sem hefur staðið í stappi við að toga upplýsingar um greiðslur ráðuneytisins til Íslaga sem höfðu umsýslu með störfum Lindarhvols.
jarni Benediktsson fjármálaráðherra, Esther Finnbogadóttur sérfræðingur á skrifstofu stjórnunar og umbóta í fjármálaráðuneytinu en hún sat jafnframt í stjórn Lindarhvols sem varamaður og Sigurður Valtýsson sem hefur staðið í stappi við að toga upplýsingar um greiðslur ráðuneytisins til Íslaga sem höfðu umsýslu með störfum Lindarhvols. vísir/samsett

Lindarhvoli ehf. er skylt að veita Frigus II ehf. aðgang að álitsgerð MAGNA lögmanna sem lögmannsstofan vann fyrir forsætisnefnd Alþingis. Álitsgerðin fjallar um hvort afhenda ætti blaðamanni greinargerð setts ríkisendurskoðanda, Sigurðar Þórðarsonar, um starfsemi Lindarhvols. 

Þetta er niðurstaða úrskurðarnefndar um upplýsingamál sem kvað upp úrskurð sinn í dag. Frigus II ehf., sem er í eigu Sigurðar Vatýssonar og Ágústs og Lýðs Guðmundssona, krafðist aðgangs að fyrrgreindri álitsgerð MAGNA. Félagið hefur þegar stefnt Lindarhvoli og íslenska ríkinu og krafist 650 milljóna í skaðabætur vegna sölu Lindarhvols á hlutafé í Klakka ehf., sem var í eigu íslenska ríkisins.

Að undanförnu hefur töluvert verið fjallað um Lindarhvol, félagið sem Bjarni Benediktsson fjármálaráðherra setti á fót til að koma eigum sem féllu í fang ríkisins í kjölfar fjármálahrunsins 2008 aftur út á markað. Lindarhvoll hefur verið til umfjöllunar nú árum saman en grunur leikur á um að þær eigur hafi verið seldar á undirverði og til vildarvina.

Álitsgerðin segi að opinbera skuli greinargerð ríkisendurskoðanda

Einn angi málsins snýst um greinargerð Sigurðar Þórðarsonar, fyrrverandi ríkisendurskoðanda, um starfsemi Lindarhvols sem hann skilaði til Alþingis árið 2018 en hefur enn ekki verið gerð opinber. Leyndin sem ríkir yfir greinagerðinni hefur verið sögð „lögfræðilegir loftfimleikar“ Birgis Ármannssonar, forseta Alþingis, sem er jafnframt forseti forsætisnefndar. Það var forsætisnefndin sem bað MAGNA um að vinna álitsgerð um hvort veita ætti aðgang að umræddri greinargerð Sigurðar ríkisendurskoðanda.

Sigurður Valtýsson segir að í álitsgerð MAGNA komi skýrt fram að greinagerð Sigurðar Þórðarsonar skuli vera opinber. 

Sigurður Valtýsson í héraðsdómi þegar mál hans gegn Lindarhvoli var tekið fyrir fyrr á árinu.vísir/vilhelm

„Forsætisnefnd tók í framhaldi ákvörðun, byggða á álitsgerðinni, að afhenda skyldi greinagerð Sigurðar Þórðarsonar kl 12:00 þann 25. apríl 2022. Það er óskiljanlegt að ekki hafi verið staðið við þá ákvörðun eða farið eftir þessu lögfræðiáliti,“ segir Sigurður Valtýsson í samtali við Vísi.

Þórhildur Sunna Ævarsdóttir, þingmaður Pírata hefur ítrekað beiðni sína til Birgis Ármannsonar, forseta þingsins, um að lögfræðiálitið verði birt. 

Mun opinbera álitsgerðina

Sigurður segir úrskurðinn mikilvægan, bæði fyrir sig og gagnsæi almennt.

„Enn og aftur er úrskurðarnefnd um upplýsingamál að standa vörð um gagnsæið sem stjórn Lindarhvols lofaði svo hátíðlega að stunda, en efndir hafa ekki verið á þá leið. Á ný hefur Lindarhvoli verið gert að afhenda gögn eftir að synjun um afhendingu var kærð.“

Hann hyggst opinbera álitsgerðina um leið og hann fær hana í hendurnar. 

„Það verður fróðlegt að sjá álitsgerð frá Magna Lögmönnum sem augljóslega er mjög ítarleg, eða 37 blaðsíður,“ segir Sigurður og bætir við að hann furði sig á því að forseti þings vilji ekki afhenda þingmönnum álitsgerðina.

Starfsemi Lindarhvols Ríkisstjórn Katrínar Jakobsdóttur Stjórnsýsla Rekstur hins opinbera Dómsmál

Tengdar fréttir

Mest lesið


Fleiri fréttir

Sjá meira


×

Mest lesið