Bikarsigur hjá Silkeborg í Íslendingaslag

Þrír Íslendingar komu við sögu í leiknum í dag. Stefán Teitur Þórðarsson var í byrjunarliði Silkeborg og þeir Atli Barkarson og Orri Óskarsson í byrjunarliði Sönderjyske. Heimalið Sönderjyske leikur í næstefstu deild en Silkeborg í efstu deild.

Gestirnir í Silkeborg komust í 1-0 á 24.mínútu þegar Sören Tengdstedt skoraði. Staðan í hálfleik var 1-0 en Tonni Adamsen tvöfaldaði forystu gestanna á 54.mínútu.

Fleiri mörk voru ekki skoruð og lokatölur 2-0. Um er að ræða fyrri leik liðanna í 8-liða úrslitum bikarsins og Silkeborg því í góðri stöðu fyrir síðari leikinn sem fer fram í næsta mánuði.