Fótbolti

Sjáðu hamarinn hjá Rodri og öll hin mörkin úr Meistaradeildinni

Valur Páll Eiríksson skrifar
Rodri fagnar marki sínu í gær.
Rodri fagnar marki sínu í gær. Getty

Manchester City vann öruggan 3-0 heimasigur á Bayern München í 8-liða úrslitum Meistaradeildar Evrópu í gærkvöld og Inter lagði Benfica í Lissabon 2-0. Mark Rodri, miðjumanns City, bar af.

Rodri þrumaði boltanum með sínum veikari vinstri færi upp í samskeytin til að koma City yfir í fyrri hálfleik áður en Norðmaðurinn Erling Haaland lagði upp eitt og skoraði annað á lokakaflanum. Bernardo Silva skoraði annað mark City með glæsiskalla eftir sendingu Haalands.

Á Leikvangi Ljóssins í Lissabon kom Niccolo Barella Inter í forystu fyrir hléið með hörkuskalla eftir glæsilega fyrirgjöf Alessandro Bastoni frá vinstri. Romelu Lukaku innsiglaði svo 2-0 sigur gestanna af vítapunktinum.

Öll mörkin fimm má sjá í spilaranum að neðan.

Klippa: Mörk City og Inter í Meistaradeildinni

Leikið er í síðari tveimur einvígjunum í 8-liða úrslitunum í kvöld. AC Milan og Napoli mætast í Ítalíuslag og Real Madrid tekur á móti Chelsea.

Meistaradeildarmörkin hefja upphitun klukkan 18:35 í kvöld og leikur Real og Chelsea verður sýndur beint á Stöð 2 Sport 2 klukkan 19:00.

Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið