Willum Þór á skotskónum í tapi

Go Ahead Eagles var í tólfta sæti hollensku úrvalsdeildarinnar fyrir leikinn í dag, sex stigum á undan Exelesior sem sat í fallsæti. Willum Þór var í byrjunarliði gestaliðsins í stöðu fremsta miðjumanns en Willum Þór hefur verið að leika vel að undanförnu og skoraði meðal sigurmarkið í sigri gegn FC Utrecht fyrir mánuði síðan.

Staðan í leiknum í dag var markalaus í hálfleik en á 54. mínútu kom Couhaib Driouech heimamönnum í Exelsior yfir. Sjö mínútum síðar var komið að Willum Þór en hann jafnaði þá metin í 1-1.

Staðan var hins vegar ekki jöfn lengi því á 65. mínútu skoraði Julian Baas sigurmarkið fyrir Excelsior. Lokatölur 2-1 fyrir heimamenn sem þar með lyfta sér upp úr fallsæti og nú eru Willum Þór og hans félagar aðeins fimm stigum frá öruggu sæti í deildinni.

Mark Willums Þórs er hans sjötta í hollensku deildinni í vetur í tuttugu og einum leik. Hann hefur fá tækifæri fengið með íslenska landsliðinu og spurning hvort nýr landsliðsþjálfari, Åge Hareide, horfi til Hollands þegar hann velur næsta landsliðshóp.