Fyrsta að­staðan sem er sér­stak­lega byggð fyrir kvenna­lið

Það verður ekki annað sagt en aðstaðan sé hin glæsilegasta. Ekki er þekkt að lið í WNBA deildinni séu með aðstöðu sem þessa. Það virðist þó sem tímarnir séu að breytast og nú hefur þegar verið ákveðið að lengja tímabilið í WNBA deildinni sem og að fjölga leikjum í úrslitakeppninni. Það þýðir meiri peningur í kassann og hver veit, mögulega verða fleiri lið með aðstöðu sem þessa eftir nokkur ár.

Aðstaðan í nýju húsi Las Vegas Aces ein og sér ætti að gera liðið líklegra til að verja titil sinn en liðið lagði Connecticut Sun 3-1 í úrslitum á síðustu leiktíð. Becky Hammon, þjálfari liðsins, hefur síðan verið orðuð við aðalþjálfara starf Toronto Raptors í NBA deildinni.

Hvað aðstöðu Aces varðar þá er þar allt til alls. Til að mynda:

• Tveir vellir í fullri stærð
• Glæsilegir búningsklefar
• Lyftingasalur
• Kaldar og heitar laugar
• Infa rauð sauna
• Kæliklefi
• Næringarstöð
• Kvikmyndaherbergi
• Búð sem selur varning tengdan félaginu

Hér að neðan má sjá myndband af svæðinu en það verður að viðurkennast að það er einkar glæsilegt.