James Einar Becker er stjórnandi þáttanna og er vægast sagt í skýjunum yfir eiginleikum og útliti bílsins. „Grillið á þessum bíl er umdeilt eins og á öllum nýjum BMW. Hvað mig varðar þá finnst mér þetta grill öskra á þig: drullaðu þér frá, ég er á BMW 7 línunni!“
Bíllinn sé mjög rúmgóður og segir hann að þeir sem kaupa bílinn muni eflaust eyða sem mestum tíma í aftursætunum. ,,Það er hægt að halda kokteilboð hérna aftur í, það er svo mikið pláss hérna. Það eru svona sjö þúsund metrar frá hnjánum á mér að ökumannssætinu,“ segir James Einar.
James Einar hvetur alla ráðherrabílstjóra landsins til að leggja Audi-bílunum sínum og biðji ráðherra sína að fjárfesta í BMW i7. ,,Þetta er vissulega mikill dreki, eins og einhverskonar snekkja á landi. Hann rígheldur sér á veginum, manni finnst eins og maður sé að keyra áfram litla plánetu ef maður plantar hægri fætinum niður.“
Hér fyrir neðan má sjá þáttinn í heild sinni og fleiri þætti með Tork gaurnum hér.
