Manchester City vann Meistaradeild Evrópu í gær, laugardag, þökk sé marki Rodri í síðari hálfleik sem og nokkrum mögnuðum markvörslum frá Ederson. Markið sem og vörslurnar má sjá hér að neðan.
Leikurinn var frekar lokaður framan af þangað til Rodri skoraði með hnitmiðuðu skoti eftir fyrirgjöf Bernardo Silva sem hafði viðkomu í varnarmanni Inter.
Inter gerði hvað það gat til að jafna en komst hvork lönd né strönd þar sem Ederson hreinlega neitaði að fá á sig mark. Brasilíski markvörðurinn var hreint út sagt magnaður og sýndi allar sínar bestu hliðar.
Manchester City er Evrópumeistari í fyrsta sinn eftir 1-0 sigur á Inter frá Mílanó í úrslitum Meistaradeildar Evrópu. Man City varð þar með annað lið í sögu Englands til að vinna þrennuna.
