Erlent

Tíu látnir hið minnsta eftir bíl­slys í Kanada

Sólrún Dögg Jósefsdóttir skrifar
Justin Trudeau, forsætisráðherra Kanada, vottaði samúð sína til aðstandenda þeirra sem létust.
Justin Trudeau, forsætisráðherra Kanada, vottaði samúð sína til aðstandenda þeirra sem létust. AP

Minnst tíu eru látnir eftir að vöruflutningabíll og ferðaþjónustubíll aldraðra skullu saman um 160 kílómetra vestur af Winnipeg í Manitoba-fylki í Kanada í kvöld.

Vitni segir í samtali við CBC hafa séð annan bílinn í ljósum logum ofan í skurði rétt eftir að slysið átti sér stað. Slysinu er lýst sem „mjög alvarlegu“.

Lögreglan í Manitoba segir á Twitter hafa sent alla tiltæka viðbragðsaðila á staðinn, auk fulltrúa úr sakamáladeildinni. Tvær sjúkraflugvélar og tvær sjúkraþyrlur. 

Farþegar rútunnar voru eldri borgarar sem voru á leiðinni í spilavíti í bænum Carberry í suðvestanverðri Manitoba. Flestir þeirra voru frá bænum Dauphin í vestanverðu fylkinu.

Kanada

Mest lesið


Fleiri fréttir

Sjá meira


×

Mest lesið