Segir samstarfsmenn sína í ríkisstjórn velta sér upp úr rasískum drullupolli Jakob Bjarnar skrifar 20. júní 2023 12:46 Ný ríkisstjórn var kynnt til sögunnar á ríkisráðsfundi á Bessastöðum í gær. Guðrún Hafsteinsdóttir tók við af Jón Gunnarssyni en ekki er víst að ráðherratíð hennar verði löng, nú hriktir í samstarfinu sem aldrei fyrr. vísir/vilhelm Samkvæmt heimildum Vísis hriktir nú í stjórnarsamstarfinu sem aldrei fyrr. Jódís Skúladóttir þingmaður Vg fer háðulegum orðum um samstarfsmenn sína í ríkisstjórn og segir hljómsveitarstjórann Bjarna Benediktsson ekki ráða við svo flókið tónverk sem tangó Jóns og Gunnu sé. Veruleg óánægja, svo vægt sé til orða tekið, er innan Sjálfstæðisflokksins með skyndilega ákvörðun Svandísar Svavarsdóttur matvælaráðherra að stöðva fyrirhugaðar hvalveiðar. Svandís greindi frá því í hádegisfréttum Bylgjunnar að ákvörðun hennar hafi verið kynnt á fundi ríkisstjórnarinnar í morgun en þá ekki til atkvæðagreiðslu; þetta væri alfarið hennar ákvörðun. Átakanleg innanmein í Sjálfstæðisflokknum Og eins og til að strá salti í sárin birtir Jódís Skúladóttir, þingmaður Vinstri grænna, pistil á Facebook-síðu sinni þar sem hún fer háðulegum orðum um innanmein Sjálfstæðisflokksins. „Innanmein Sjálfstæðisflokksins eru átakanleg á að horfa. Hádramatískur tangó Jóns og Gunnu hefur verið frekar taktlaus og feilsporin stigin á sárar tærnar aftur og aftur enda virðist hljómsveitarstjórinn Bjarni Ben ekki alveg ráða við svona flókið tónverk,“ skrifar Jódís. Guðrún Hafsteinsdóttir tók við stjórnartaumum í dómsmálaráðuneytinu í gær og lét Jón Gunnarsson af störfum við það sama tækifæri. Jódís Skúladóttir segir þeirra tangódans hafa verið taktlaus og þar hafi verið stigið á sárar tærnar aftur og aftur.Vísir/Vilhelm Viðmælendur Vísis úr ranni Sjálfstæðismanna segja að stjórnarsamstarfið sé komið að fótum fram og sé nánast sama hvert litið sé. Ágreiningur í efnahagsmálum varðandi aðhaldsaðgerðir, ágreiningur um orkumálin, í lögreglumálum … eiginlega sama hvert litið er og nú blasi við fyrirvaralaus ákvörðun Svandísar varðandi hvalveiðina sem mun reynast kostnaðarsöm. Hvalfangarar Hvals hf. ætluðu sér að sigla á morgun og er búið að verja hundruðum milljóna við undirbúning veiðanna. Og þeir benda á pistil Jódísar sem dæmi um að þetta samstarf sé ekki til fagnaðar. Þeim er ekki skemmt. Velta sér upp úr rasíska drullupollinum Svo áfram sé vitnað í Jódísi sem gagnrýnir Sjálfstæðisflokkinn og telur samstarfið óþolandi, einkum í öllu því sem snýr að verkum Jóns Gunnarssonar fráfarandi dómsmálaráðherra: „Til að víkja athygli þjóðarinnar frá þessum darraðadansi og til að bregðst við fylgistapi, sameinast þau nú öll í að velta sér upp úr rasíska drullupollinum í von um að geta kroppað inn einhver prósent frá systurflokkum sínum í útlendingamálum, Miðflokki og Flokki fólksins.“ Jódís vandar ekki samstarfsmönnum sínum í Sjálfstæðisflokknum ekki kveðjurnar í háðulegum pistli.vísir/vilhelm Jódís segir þó merkilegast við allt þetta það að allt sem miður hefur farið í lífi Sjálfstæðisflokksins virðist vera VG að kenna, að sögn fráfarandi dómsmálaráðherra: „Hann opnar ekki á sér þverrifuna nema koma því að hvernig Vinstri græn stoppa góðu málin hans. Þetta er sérlega áhugavert í því ljósi að ítrekað fæ ég að heyra hvernig VG lætur íhaldið teyma sig yfir öll mörk og við séum viljalaus verkfæri Sjálfstæðisflokksins.“ Jódís segir að sér renni blóðið til skyldunnar og tekur þá til við að lesa Jóni og Sjálfstæðismönnum pistilinn; vill kenna þeim sitthvað um lagasetningar og mikilvægi þess að þær séu „vel ígrundaðar og að mannréttindi fólks séu höfð í forgrunni.“ Ríkisstjórn Katrínar Jakobsdóttur Hvalveiðar Alþingi Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent „Hann stal henni“ Erlent Fjöldi ferðamanna slíkur að rotþróin ræður ekki við það Innlent Ísland og Palestína gera samkomulag um samstarf Innlent Lauma sér inn í útfarir og senda kirkjuvörðum fingurinn Innlent Pokrovsk riðar til falls Erlent Ísland ekki í fararbroddi heldur fylgi öðrum í humátt á eftir Erlent Hvað á að gera um Verslunarmannahelgina? Innlent Brennisteinsdíoxíð gæti borist um suðvesturhornið Innlent Meintur þjófur leitaði til lögreglu vegna framkvæmdastjórans Innlent Fleiri fréttir Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Sjá meira
Veruleg óánægja, svo vægt sé til orða tekið, er innan Sjálfstæðisflokksins með skyndilega ákvörðun Svandísar Svavarsdóttur matvælaráðherra að stöðva fyrirhugaðar hvalveiðar. Svandís greindi frá því í hádegisfréttum Bylgjunnar að ákvörðun hennar hafi verið kynnt á fundi ríkisstjórnarinnar í morgun en þá ekki til atkvæðagreiðslu; þetta væri alfarið hennar ákvörðun. Átakanleg innanmein í Sjálfstæðisflokknum Og eins og til að strá salti í sárin birtir Jódís Skúladóttir, þingmaður Vinstri grænna, pistil á Facebook-síðu sinni þar sem hún fer háðulegum orðum um innanmein Sjálfstæðisflokksins. „Innanmein Sjálfstæðisflokksins eru átakanleg á að horfa. Hádramatískur tangó Jóns og Gunnu hefur verið frekar taktlaus og feilsporin stigin á sárar tærnar aftur og aftur enda virðist hljómsveitarstjórinn Bjarni Ben ekki alveg ráða við svona flókið tónverk,“ skrifar Jódís. Guðrún Hafsteinsdóttir tók við stjórnartaumum í dómsmálaráðuneytinu í gær og lét Jón Gunnarsson af störfum við það sama tækifæri. Jódís Skúladóttir segir þeirra tangódans hafa verið taktlaus og þar hafi verið stigið á sárar tærnar aftur og aftur.Vísir/Vilhelm Viðmælendur Vísis úr ranni Sjálfstæðismanna segja að stjórnarsamstarfið sé komið að fótum fram og sé nánast sama hvert litið sé. Ágreiningur í efnahagsmálum varðandi aðhaldsaðgerðir, ágreiningur um orkumálin, í lögreglumálum … eiginlega sama hvert litið er og nú blasi við fyrirvaralaus ákvörðun Svandísar varðandi hvalveiðina sem mun reynast kostnaðarsöm. Hvalfangarar Hvals hf. ætluðu sér að sigla á morgun og er búið að verja hundruðum milljóna við undirbúning veiðanna. Og þeir benda á pistil Jódísar sem dæmi um að þetta samstarf sé ekki til fagnaðar. Þeim er ekki skemmt. Velta sér upp úr rasíska drullupollinum Svo áfram sé vitnað í Jódísi sem gagnrýnir Sjálfstæðisflokkinn og telur samstarfið óþolandi, einkum í öllu því sem snýr að verkum Jóns Gunnarssonar fráfarandi dómsmálaráðherra: „Til að víkja athygli þjóðarinnar frá þessum darraðadansi og til að bregðst við fylgistapi, sameinast þau nú öll í að velta sér upp úr rasíska drullupollinum í von um að geta kroppað inn einhver prósent frá systurflokkum sínum í útlendingamálum, Miðflokki og Flokki fólksins.“ Jódís vandar ekki samstarfsmönnum sínum í Sjálfstæðisflokknum ekki kveðjurnar í háðulegum pistli.vísir/vilhelm Jódís segir þó merkilegast við allt þetta það að allt sem miður hefur farið í lífi Sjálfstæðisflokksins virðist vera VG að kenna, að sögn fráfarandi dómsmálaráðherra: „Hann opnar ekki á sér þverrifuna nema koma því að hvernig Vinstri græn stoppa góðu málin hans. Þetta er sérlega áhugavert í því ljósi að ítrekað fæ ég að heyra hvernig VG lætur íhaldið teyma sig yfir öll mörk og við séum viljalaus verkfæri Sjálfstæðisflokksins.“ Jódís segir að sér renni blóðið til skyldunnar og tekur þá til við að lesa Jóni og Sjálfstæðismönnum pistilinn; vill kenna þeim sitthvað um lagasetningar og mikilvægi þess að þær séu „vel ígrundaðar og að mannréttindi fólks séu höfð í forgrunni.“
Ríkisstjórn Katrínar Jakobsdóttur Hvalveiðar Alþingi Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent „Hann stal henni“ Erlent Fjöldi ferðamanna slíkur að rotþróin ræður ekki við það Innlent Ísland og Palestína gera samkomulag um samstarf Innlent Lauma sér inn í útfarir og senda kirkjuvörðum fingurinn Innlent Pokrovsk riðar til falls Erlent Ísland ekki í fararbroddi heldur fylgi öðrum í humátt á eftir Erlent Hvað á að gera um Verslunarmannahelgina? Innlent Brennisteinsdíoxíð gæti borist um suðvesturhornið Innlent Meintur þjófur leitaði til lögreglu vegna framkvæmdastjórans Innlent Fleiri fréttir Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Sjá meira