Sakar Jonah Hill um að hafa troðið tungunni á sér upp í hana

Á­sakanirnar birti hún á Twitter ör­fáum dögum eftir að Sarah Brady, fyrr­verandi kærasta Hill sakaði hann um að hafa beitt sig til­finninga­legu of­beldi í sam­bandi þeirra sem lauk árið 2021. Lýsti Brady því og birti skila­boð leikarans þar sem hann telur upp ýmis­legt sem honum þótti ekki við hæfi að hún gerði á meðan þau væru saman. Sagði hann að um mörk sín væri að ræða.

Nikolas segir í Twitter færslu að hún hafi verið í partýi hjá banda­ríska leikaranum Justin Long á­samt Jonah Hill og fleiri leikurum árið 2008, þegar hún var sex­tán ára gömul og hann 24 ára. Þau hafi farið út að reykja og hún beðið hann um sígarettu.

„Hann rétti mér hana ekki, sem mér þótti furðu­legt og þegar ég bað hann um hana þá sagði hann ekki neitt heldur ýtti mér að hurðinni og tróð tungunni sinni upp í mig,“ skrifar leik­konan á Twitter. Hún segist hafa ýtt honum af sér og flúið af hólmi.

Banda­ríski miðillinn Pa­geSix hefur eftir tals­manni Jonah Hill að hann þver­taki fyrir á­sakanir leik­konunnar. Hann kannist ekki við að þessir at­burðir hafi átt sér stað. Hefur miðillinn hins vegar eftir leik­konunni að hún standi við sína frá­sögn. Hún hafi ekki þorað að segja for­eldrum sínum frá á sínum tíma þar sem hún hafi ekki mátt vera í partýinu.