Lýsa Formúlunni áfram á Viaplay: „Spennan er mikil“ Ingvi Þór Sæmundsson skrifar 18. júlí 2023 10:00 Max Verstappen og Lewis Hamilton hafa unnið alla heimsmeistaratitla í Formúlu 1 frá 2017. getty/Michael Potts Þeir Kristján Einar Kristjánsson og Bragi Þórðarson munu áfram lýsa Formúlu 1 á Viaplay. Sem kunnugt er hafa Sýn og Viaplay gert með sér samning sem felur í sér einkarétt á sölu Viaplay með vörum Vodafone og Stöðvar 2 og tekur samningurinn gildi strax í ágúst. Stöð 2 Sport mun taka yfir framleiðslu á allri innlendri dagskrárgerð tengdri því íþróttaefni sem Viaplay hefur upp á að bjóða á Íslandi. Formúla 1 er þar á meðal. Þeir Kristján Einar og Bragi hafa lýst Formúlunni í sameiningu á Viaplay undanfarin ár og munu halda því áfram. Þeir félagar sjá líka um hlaðvarpið vinsæla, Pittinn. „Það gleður okkur að tilkynna að við Bragi verðum áfram með þetta,“ sagði Kristján Einar í samtali við Vísi. „Ég hlakka mikið til að vinna aftur með Sýn. Þar byrjaði minn sjónvarpsferill 2013 og ég fylgdi Formúlunni þar til hún fór á Viaplay 2020. Ánægjan er mikil að þetta sé komið í góðar hendur hérna heima og fólk geti áfram fylgst með þessu. Ég hlakka líka til að fara í samstarf með öllum hinum miðlunum, að vita að þetta opni á möguleikann á frekari dagskrárgerð og samstarfi við Pittinn. Eins með almenna umfjöllun um Formúluna sem Vísir hefur alla tíð verið fremstur í flokki. Þar verður gefið enn meira í.“ Tvær keppnir eru eftir í Formúlunni áður en sumarfrí hefst um næstu mánaðarmótin. Þráðurinn verður svo aftur tekinn upp í Hollandi 27. ágúst. Það er fyrsta keppnin eftir að samkomulag Sýnar og Viaplay tekur gildi. „Það breytist ekkert fyrir áhorfendur nema þetta opnar á möguleikann á að færa þetta upp á næsta þrep,“ sagði Kristján Einar. Myndin óljós og tímabilið spennandi Þrátt fyrir að fátt virðist geta komið í veg fyrir að Max Verstappen verði heimsmeistari þriðja árið í röð og Red Bull meistari bílasmiða segir Kristján Einar margt spennandi í gangi í Formúlunni á þessu tímabili. „Stóra spurningin er hvort einhver geti stöðvað Max Verstappen og hvernig þróunin í slagnum um 2. sætið verður. Fyrir keppnishelgar veit maður ekkert hvernig goggunarröðin verður milli Mercedes, Ferrari og Aston Martin. Svo í Bretlandi mætti McLaren allt í einu og var fljótari en þau öll. Myndin er mjög óljós fyrir utan 1. sætið og spennan er mikil. Við erum búin að sjá frábært tímabil,“ sagði Kristján Einar. „Svo er ökumannsmarkaðurinn galopinn og stærstu fréttirnar fyrir ungverska kappaksturinn eru að Daniel Ricciardo snýr aftur. Hann er í miklu uppáhaldi hjá mörgum. Svo eru spennandi keppnir framundan, eins og sú fyrsta í Las Vegas. Það er hellingur eftir af þessu.“ Vísir er í eigu Sýnar. Akstursíþróttir Fjölmiðlar Mest lesið Unglingur myrtur eftir deilu á frjálsíþróttamóti Sport Haaland flúði Manchester borg Enski boltinn Ökklinn eins og IKEA húsgagn: „Boruðu gat í gegnum tvö bein“ Íslenski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Fyrsti svarti dómarinn í ensku úrvalsdeildinni lærir að ganga á ný Enski boltinn Hvar er Davíð? „Fólk að henda dramatískum sögum í gang um illindi“ Körfubolti Skoruðu þrjú af fjórum mörkum leiksins en töpuðu samt Íslenski boltinn „Hann þarf að breyta þessu og ég er búinn að tala við hann inni í klefa“ Körfubolti Elín Klara markadrottningin í ár en gaf líka flestar stoðsendingar Handbolti Fleiri fréttir „Það er algjört kjaftæði“ Pérez rætt við nokkur lið um endurkomu Verstappen óánægður með Red Bull fyrir að reka liðsfélagann Segir að Schumacher sé ófær um að tala: „Staðan er mjög sorgleg“ Ballið búið hjá Hamilton og Vergara Red Bull búið að gefast upp á Lawson Hamilton dæmdur úr leik í Kína Piastri vann Kínakappaksturinn Hamilton vann sprettkeppnina en Piastri á ráspól Fyrsti ráspóll Hamiltons í rauðu Eddie Jordan látinn Formúlan gæti farið til Bangkok Lando Norris aðeins 0,8 sekúndum á undan heimsmeistaranum í markið „Þetta tímabil verður ekki fyrir hjartveika“ McLaren með tvo fremstu menn á ráspól í fyrstu keppni ársins „Kominn tími á konu í Formúlu 1“ F1 2025: Guð gefðu okkur besta tímabil sögunnar Cadillac verður með lið í formúlu 1 Lofaði Hamilton að ræða ekki við Verstappen Sjá meira
Sem kunnugt er hafa Sýn og Viaplay gert með sér samning sem felur í sér einkarétt á sölu Viaplay með vörum Vodafone og Stöðvar 2 og tekur samningurinn gildi strax í ágúst. Stöð 2 Sport mun taka yfir framleiðslu á allri innlendri dagskrárgerð tengdri því íþróttaefni sem Viaplay hefur upp á að bjóða á Íslandi. Formúla 1 er þar á meðal. Þeir Kristján Einar og Bragi hafa lýst Formúlunni í sameiningu á Viaplay undanfarin ár og munu halda því áfram. Þeir félagar sjá líka um hlaðvarpið vinsæla, Pittinn. „Það gleður okkur að tilkynna að við Bragi verðum áfram með þetta,“ sagði Kristján Einar í samtali við Vísi. „Ég hlakka mikið til að vinna aftur með Sýn. Þar byrjaði minn sjónvarpsferill 2013 og ég fylgdi Formúlunni þar til hún fór á Viaplay 2020. Ánægjan er mikil að þetta sé komið í góðar hendur hérna heima og fólk geti áfram fylgst með þessu. Ég hlakka líka til að fara í samstarf með öllum hinum miðlunum, að vita að þetta opni á möguleikann á frekari dagskrárgerð og samstarfi við Pittinn. Eins með almenna umfjöllun um Formúluna sem Vísir hefur alla tíð verið fremstur í flokki. Þar verður gefið enn meira í.“ Tvær keppnir eru eftir í Formúlunni áður en sumarfrí hefst um næstu mánaðarmótin. Þráðurinn verður svo aftur tekinn upp í Hollandi 27. ágúst. Það er fyrsta keppnin eftir að samkomulag Sýnar og Viaplay tekur gildi. „Það breytist ekkert fyrir áhorfendur nema þetta opnar á möguleikann á að færa þetta upp á næsta þrep,“ sagði Kristján Einar. Myndin óljós og tímabilið spennandi Þrátt fyrir að fátt virðist geta komið í veg fyrir að Max Verstappen verði heimsmeistari þriðja árið í röð og Red Bull meistari bílasmiða segir Kristján Einar margt spennandi í gangi í Formúlunni á þessu tímabili. „Stóra spurningin er hvort einhver geti stöðvað Max Verstappen og hvernig þróunin í slagnum um 2. sætið verður. Fyrir keppnishelgar veit maður ekkert hvernig goggunarröðin verður milli Mercedes, Ferrari og Aston Martin. Svo í Bretlandi mætti McLaren allt í einu og var fljótari en þau öll. Myndin er mjög óljós fyrir utan 1. sætið og spennan er mikil. Við erum búin að sjá frábært tímabil,“ sagði Kristján Einar. „Svo er ökumannsmarkaðurinn galopinn og stærstu fréttirnar fyrir ungverska kappaksturinn eru að Daniel Ricciardo snýr aftur. Hann er í miklu uppáhaldi hjá mörgum. Svo eru spennandi keppnir framundan, eins og sú fyrsta í Las Vegas. Það er hellingur eftir af þessu.“ Vísir er í eigu Sýnar.
Akstursíþróttir Fjölmiðlar Mest lesið Unglingur myrtur eftir deilu á frjálsíþróttamóti Sport Haaland flúði Manchester borg Enski boltinn Ökklinn eins og IKEA húsgagn: „Boruðu gat í gegnum tvö bein“ Íslenski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Fyrsti svarti dómarinn í ensku úrvalsdeildinni lærir að ganga á ný Enski boltinn Hvar er Davíð? „Fólk að henda dramatískum sögum í gang um illindi“ Körfubolti Skoruðu þrjú af fjórum mörkum leiksins en töpuðu samt Íslenski boltinn „Hann þarf að breyta þessu og ég er búinn að tala við hann inni í klefa“ Körfubolti Elín Klara markadrottningin í ár en gaf líka flestar stoðsendingar Handbolti Fleiri fréttir „Það er algjört kjaftæði“ Pérez rætt við nokkur lið um endurkomu Verstappen óánægður með Red Bull fyrir að reka liðsfélagann Segir að Schumacher sé ófær um að tala: „Staðan er mjög sorgleg“ Ballið búið hjá Hamilton og Vergara Red Bull búið að gefast upp á Lawson Hamilton dæmdur úr leik í Kína Piastri vann Kínakappaksturinn Hamilton vann sprettkeppnina en Piastri á ráspól Fyrsti ráspóll Hamiltons í rauðu Eddie Jordan látinn Formúlan gæti farið til Bangkok Lando Norris aðeins 0,8 sekúndum á undan heimsmeistaranum í markið „Þetta tímabil verður ekki fyrir hjartveika“ McLaren með tvo fremstu menn á ráspól í fyrstu keppni ársins „Kominn tími á konu í Formúlu 1“ F1 2025: Guð gefðu okkur besta tímabil sögunnar Cadillac verður með lið í formúlu 1 Lofaði Hamilton að ræða ekki við Verstappen Sjá meira