FCK sé ekki spennt fyrir því að spila í Kópavogi Valur Páll Eiríksson skrifar 25. júlí 2023 08:32 Freyr Alexandersson og hans menn í Lyngby töpuðu naumlega í leik þar sem þeir fengu urmul færa. Vísir/Getty Freyr Alexandersson, þjálfari Lyngby í Danmörku, kveðst spenntur fyrir leik Blika við FC Kaupmannahöfn. Hann stýrði Lyngby gegn dönsku meisturunum um helgina og þekkir vel til liðsins. Lyngby hélt sæti sínu á ótrúlegan hátt á lokadegi deildarinnar á síðustu leiktíð en fékk verðugt verkefni í fyrstu umferð í ár þar sem FCK kom í heimsókn. Alfreð Finnbogason skoraði mark Lyngby í naumu 2-1 tapi á laugardaginn var þar sem lærisveinar Freys hefðu hæglega getað unnið. Eftir þann leik segir Freyr allt geta gerst í Kópavogi á morgun en Blikar þurfi þó að eiga sinn besta dag gegn þessu sterka liði. „Þetta er spennandi verkefni fyrir Blikana en ekkert sérstaklega spennandi fyrir FCK. Það eitt og sér hjálpar Blikum,“ „Mér finnst Blikarnir líta mjög vel út og það sem þeir hafa í sínum leik á gervigrasinu í Kópavogi getur strítt Kaupmannahafnarbúum, ég er alveg viss um það. En bæði leikmenn og Óskar eru meðvitaðir um það að þeir þurfa að hitta á toppleik til að þeir geti strítt þeim, en ef þeir gera það geta þeir veitt þeim mótspyrnu, ég er í engum vafa um það,“ segir Freyr. „Ég hef séð nógu mikið af Blikunum til að vera nokkuð öruggur í því að þeir geti vel strítt FCK í Kópavogi. Það er hins vegar allt önnur skepna að spila á Parken. Það er leikur sem vonandi verður á lífi eftir góða frammistöðu í Kópavogi og þá geta þeir vonandi klórað sig í gegnum þær 90 mínútur,“ „Núna þurfa þeir bara hugsa um að ná góðri frammistöðu í Kópavogi og þá getur allt gerst. Ég hlakka mikið til að sjá þann leik,“ segir Freyr. Misst menn en fyllt misvel í skörðin Einhverjar breytingar hafa orðið á FCK-liðinu þar sem þeir hafa meðal annars misst Mikkel Kaufmann, miðjumennina Zeca og Marko Stamenic auk íslenska landsliðsmannsins Hákons Arnars Haraldssonar, sem var seldur dýrum dómum til Lille í Frakklandi. Hann er þó ekki stærsta nafnið til að yfirgefa liðið, samkvæmt Frey. „Stærsta nafnið sem þeir hafa misst er ekki Hákon Haraldsson, það er Mohamed Daramy, sem spilar vinstri kant hjá þeim, er FCK drengur og var á láni frá Ajax. Hákon er samt sem áður prófíll fyrir sá sem þeir eru búnir að selja. Þeir eru búnir að missa þá tvo og svo er Viktor Claesson, fyrirliði þeirra, meiddur. Þetta eru þrír mest effektívu sóknarmennirnir þeirra sem eru farnir,“ segir Freyr. Hann segir missinn af þessum þremur leikmönnum hafa verið tilfinnanlegan á laugardaginn var. „Við fundum alveg fyrir því að þeir voru allir mjög góðir í link-up spili vinstra megin á vellinum, en það var ekki til staðar á móti okkur [í leik Lyngby og FCK um helgina]. Þannig að þeir sakna dálítið þeirrar tengingar sem þessir menn mynduðu,“ segir Freyr. Cornelius á batavegi FCK brást við þessu með því að kaupa vinstri vængmann í gær en sá kemur of seint til að geta tekið þátt í Evrópuverkefninu, þar sem hann er ekki skráður í leikmannahópinn hjá UEFA. „Þeir eru ekki búnir að styrkja sig mikið þar til í dag. Þeir keyptu Elias Achuri frá Viborg í dag á 22 milljónir danskra króna. Hann er vinstri kantmaður sem er mjög frábær einn á móti einum en ég veit ekki hvort hann spilar á morgun. Hann æfði með þeim í dag og ég veit ekki einu sinni hvort hann ferðast með þeim til Íslands,“ „Annars eru þeir, að ég held, ekki búnir að styrkja sig neitt. En það er auðvitað styrkur í því að Andreas Cornelius, framherji og danskur landsliðsmaður, er að koma til baka úr meiðslum. En hann spilaði mikið á móti okkur svo ég veit ekki hversu mikið hann spilar á móti Breiðabliki,“ segir Freyr. Leikur Breiðabliks og FC Kaupmannahafnar hefst klukkan 19:15 í kvöld og er í beinni á Stöð 2 Sport. Bein útsending hefst klukkan 18:45. Meistaradeild Evrópu í fótbolta karla Breiðablik Danski boltinn Íslenski boltinn Mest lesið Stefán benti á tattúið og minntist frænku sinnar Enski boltinn Neyddir til að spila í miðri þjóðarsorg Handbolti Útskýrði af hverju Burn var dekkaður af mun lægri manni Enski boltinn Players endar í einvígi: „Halda allir að hann vinni“ Golf „Rjóminn á kökuna fyrir okkur“ Íslenski boltinn Sjáðu Albert skora gegn Juventus Fótbolti Segir Arnór líta ruddalega vel út Fótbolti Staðráðinn í að spila aftur: „Ég var nálægt því að deyja“ Enski boltinn Hættu leik eftir að áhorfendur kveiktu í stúkunni Fótbolti Liverpool leiði kapphlaupið um Guehi Fótbolti Fleiri fréttir Segir Arnór líta ruddalega vel út Ramos rekinn út af fyrir að sparka í rass mótherja Staðráðinn í að spila aftur: „Ég var nálægt því að deyja“ Útskýrði af hverju Burn var dekkaður af mun lægri manni Fyrirliði Kósóvó fór meiddur af velli „Vil ekki fara að sofa því mér líður eins og mig sé að dreyma“ Sjáðu Albert skora gegn Juventus Stefán benti á tattúið og minntist frænku sinnar Ari afmælisbarn búinn að semja við Elfsborg „Rjóminn á kökuna fyrir okkur“ Hættu leik eftir að áhorfendur kveiktu í stúkunni Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Cecilía fékk á sig tvö sjálfsmörk Fjórtán ára stelpa kom inn á í bandarísku atvinnumannadeildinni Íslendingaliðið tók dýrmæt stig af Napoli í toppbaráttunni Vantar fleiri klukkustundir í sólarhringinn Sjáðu hetjudáðir Stefáns Teits í enska boltanum í gær Sjá meira
Lyngby hélt sæti sínu á ótrúlegan hátt á lokadegi deildarinnar á síðustu leiktíð en fékk verðugt verkefni í fyrstu umferð í ár þar sem FCK kom í heimsókn. Alfreð Finnbogason skoraði mark Lyngby í naumu 2-1 tapi á laugardaginn var þar sem lærisveinar Freys hefðu hæglega getað unnið. Eftir þann leik segir Freyr allt geta gerst í Kópavogi á morgun en Blikar þurfi þó að eiga sinn besta dag gegn þessu sterka liði. „Þetta er spennandi verkefni fyrir Blikana en ekkert sérstaklega spennandi fyrir FCK. Það eitt og sér hjálpar Blikum,“ „Mér finnst Blikarnir líta mjög vel út og það sem þeir hafa í sínum leik á gervigrasinu í Kópavogi getur strítt Kaupmannahafnarbúum, ég er alveg viss um það. En bæði leikmenn og Óskar eru meðvitaðir um það að þeir þurfa að hitta á toppleik til að þeir geti strítt þeim, en ef þeir gera það geta þeir veitt þeim mótspyrnu, ég er í engum vafa um það,“ segir Freyr. „Ég hef séð nógu mikið af Blikunum til að vera nokkuð öruggur í því að þeir geti vel strítt FCK í Kópavogi. Það er hins vegar allt önnur skepna að spila á Parken. Það er leikur sem vonandi verður á lífi eftir góða frammistöðu í Kópavogi og þá geta þeir vonandi klórað sig í gegnum þær 90 mínútur,“ „Núna þurfa þeir bara hugsa um að ná góðri frammistöðu í Kópavogi og þá getur allt gerst. Ég hlakka mikið til að sjá þann leik,“ segir Freyr. Misst menn en fyllt misvel í skörðin Einhverjar breytingar hafa orðið á FCK-liðinu þar sem þeir hafa meðal annars misst Mikkel Kaufmann, miðjumennina Zeca og Marko Stamenic auk íslenska landsliðsmannsins Hákons Arnars Haraldssonar, sem var seldur dýrum dómum til Lille í Frakklandi. Hann er þó ekki stærsta nafnið til að yfirgefa liðið, samkvæmt Frey. „Stærsta nafnið sem þeir hafa misst er ekki Hákon Haraldsson, það er Mohamed Daramy, sem spilar vinstri kant hjá þeim, er FCK drengur og var á láni frá Ajax. Hákon er samt sem áður prófíll fyrir sá sem þeir eru búnir að selja. Þeir eru búnir að missa þá tvo og svo er Viktor Claesson, fyrirliði þeirra, meiddur. Þetta eru þrír mest effektívu sóknarmennirnir þeirra sem eru farnir,“ segir Freyr. Hann segir missinn af þessum þremur leikmönnum hafa verið tilfinnanlegan á laugardaginn var. „Við fundum alveg fyrir því að þeir voru allir mjög góðir í link-up spili vinstra megin á vellinum, en það var ekki til staðar á móti okkur [í leik Lyngby og FCK um helgina]. Þannig að þeir sakna dálítið þeirrar tengingar sem þessir menn mynduðu,“ segir Freyr. Cornelius á batavegi FCK brást við þessu með því að kaupa vinstri vængmann í gær en sá kemur of seint til að geta tekið þátt í Evrópuverkefninu, þar sem hann er ekki skráður í leikmannahópinn hjá UEFA. „Þeir eru ekki búnir að styrkja sig mikið þar til í dag. Þeir keyptu Elias Achuri frá Viborg í dag á 22 milljónir danskra króna. Hann er vinstri kantmaður sem er mjög frábær einn á móti einum en ég veit ekki hvort hann spilar á morgun. Hann æfði með þeim í dag og ég veit ekki einu sinni hvort hann ferðast með þeim til Íslands,“ „Annars eru þeir, að ég held, ekki búnir að styrkja sig neitt. En það er auðvitað styrkur í því að Andreas Cornelius, framherji og danskur landsliðsmaður, er að koma til baka úr meiðslum. En hann spilaði mikið á móti okkur svo ég veit ekki hversu mikið hann spilar á móti Breiðabliki,“ segir Freyr. Leikur Breiðabliks og FC Kaupmannahafnar hefst klukkan 19:15 í kvöld og er í beinni á Stöð 2 Sport. Bein útsending hefst klukkan 18:45.
Meistaradeild Evrópu í fótbolta karla Breiðablik Danski boltinn Íslenski boltinn Mest lesið Stefán benti á tattúið og minntist frænku sinnar Enski boltinn Neyddir til að spila í miðri þjóðarsorg Handbolti Útskýrði af hverju Burn var dekkaður af mun lægri manni Enski boltinn Players endar í einvígi: „Halda allir að hann vinni“ Golf „Rjóminn á kökuna fyrir okkur“ Íslenski boltinn Sjáðu Albert skora gegn Juventus Fótbolti Segir Arnór líta ruddalega vel út Fótbolti Staðráðinn í að spila aftur: „Ég var nálægt því að deyja“ Enski boltinn Hættu leik eftir að áhorfendur kveiktu í stúkunni Fótbolti Liverpool leiði kapphlaupið um Guehi Fótbolti Fleiri fréttir Segir Arnór líta ruddalega vel út Ramos rekinn út af fyrir að sparka í rass mótherja Staðráðinn í að spila aftur: „Ég var nálægt því að deyja“ Útskýrði af hverju Burn var dekkaður af mun lægri manni Fyrirliði Kósóvó fór meiddur af velli „Vil ekki fara að sofa því mér líður eins og mig sé að dreyma“ Sjáðu Albert skora gegn Juventus Stefán benti á tattúið og minntist frænku sinnar Ari afmælisbarn búinn að semja við Elfsborg „Rjóminn á kökuna fyrir okkur“ Hættu leik eftir að áhorfendur kveiktu í stúkunni Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Cecilía fékk á sig tvö sjálfsmörk Fjórtán ára stelpa kom inn á í bandarísku atvinnumannadeildinni Íslendingaliðið tók dýrmæt stig af Napoli í toppbaráttunni Vantar fleiri klukkustundir í sólarhringinn Sjáðu hetjudáðir Stefáns Teits í enska boltanum í gær Sjá meira