Fótbolti

Ægismenn knúðu fram jafntefli gegn Þrótti

Siggeir Ævarsson skrifar
Ægismenn fagna marki í sumar
Ægismenn fagna marki í sumar Facebook Knattspyrnudeild Ægis

Einn leikur fór fram í Lengjudeild karla í kvöld. Ægir tók á móti Þrótti í fallbaráttuslag en liðin skildu að lokum jöfn 2-2.

Gestirnir komust í 0-2 með mörkum frá Aron Ingasyni og Jorgen Pettersen en heimamenn minnkuðu muninn fyrir hálfleik með marki frá Atla Guðbjartssyni.

Varamaðurinn Brynjólfur Þór Eyþórsson jafnaði svo leikinn á 67. mínútu og bæði lið gerðu heiðarlegar tilraunir til að stela sigrinum en hvorugu varð kápan úr því klæðinu.

Ægir situr því áfram í 12. og neðsta sæti deildarinnar með átta stig, en Þróttur jafnar Grindavík að stigum með 15 í 8. - 9. sæti en Grindavík á leik til góða á laugardaginn, þegar þeir sækja Njarðvíkinga heim.

Fótbolti Lengjudeild karla

Mest lesið


Fleiri fréttir

Sjá meira


×

Mest lesið