Einkunnir Íslands: Glódís og Telma stálu senunni Íþróttadeild Stöðvar 2 og Vísis skrifar 22. september 2023 20:29 Glódís Perla Viggósdóttir stóð upp úr í kvöld, í sigrinum kærkomna gegn Wales. vísir/Diego Stjörnurnar sem skinu skærast í íslenska liðinu í kvöld, í sigrinum gegn Wales í Þjóðadeild kvenna í fótbolta, voru aftastar á vellinum. Ísland fagnaði sætum 1-0 sigri sem liðið þurfti svo sannarlega að hafa mikið fyrir. Gestirnir frá Wales fengu að vera mikið með boltann en tilraunir þeirra til að skora strönduðu ýmist á vörn Íslands, með Glódísi Perlu Viggósdóttur fremsta í flokki, eða á Telmu Ívarsdóttur sem var öryggið uppmálað í markinu. Framar á vellinum átti íslenska liðið hins vegar erfitt uppdráttar en Glódís sá til þess að stigin þrjú kæmu í hús því hún skoraði sigurmarkið í fyrri hálfleik með frábærum skalla, eftir fyrirgjöf Amöndu Andradóttur. Íslenska liðið getur svo sannarlega gert betur en í kvöld, og þarf þess gegn Þýskalandi á þriðjudaginn, en eftir miklar breytingar síðasta árið er ánægjulegt að sjá að liðið getur enn unnið sterka sigra. Að neðan má sjá mat íþróttadeildar Stöðvar 2 og Vísis á frammistöðu íslenska liðsins. Einkunnir Íslands Telma Ívarsdóttir, markvörður: 8 Valin fram yfir Valsmarkverðina tvo og stóð frábærlega fyrir sínu í sínum stærsta landsleik til þessa. Átti í raun fullkominn leik þar sem hún sá við þeim skotum sem komu á markið af miklu öryggi, þó að vissulega reyndi sjaldnast mikið á hana, og greip allar fyrirgjafir. Guðrún Arnardóttir, miðvörður: 7 Virkaði vel við hlið Glódísar í þriggja miðvarða kerfinu og sá til þess að það skapaðist varla hætta „hennar megin“. Glódís Perla Viggósdóttir, miðvörður: 9 Enn einn stórleikur Glódísar í bláu treyjunni og hún var það sem skildi á milli liðanna, bæði með öflugum og traustum varnarleik en ekki síður frábæra skallamarkinu. Stýrði liðinu sem fyrirliði á besta stað í miðri vörninni, eflaust með sjálfstraustið í hæstu hæðum eftir síðustu fréttir úr Bæjaralandi. Telma Ívarsdóttir varði afar vel í kvöld og gerði nánast engin mistök.vísir/Diego Ingibjörg Sigurðardóttir, miðvörður: 5 Sterk og föst fyrir eins og hún er alltaf en gerði fáein mistök sem hefðu getað reynst dýrkeypt. Virtist orðin vel þreytt á lokakafla leiksins en það kom ekki í veg fyrir að hún ynni mikilvæga skallbolta. Diljá Ýr Zomers, hægri vængbakvörður: 6 Stóð sig vel í vængbakvarðarstöðunni og reyndi bæði að ógna fram á við þegar þess gafst færi en vera samviskusöm í varnarleiknum. Sandra María Jessen, vinstri vængbakvörður: 6 Sýndi líkt og Diljá að hún getur vel leyst þessa stöðu og passaði stundum kannski fullmikið að standa varnarleikinn, því maður vill auðvitað sjá sóknargæðin líka. Var afar nálægt því að skora í fyrri hálfleiknum. Hildur Antonsdóttir, miðjumaður: 5 Það þarf að fylla stór skörð á miðjunni og Hildur gerði sitt besta til þess með grimmd og baráttu. Hjálpaði hins vegar lítið til við að Ísland héldi boltanum og varði vörnina ekki alveg nógu vel. Selma Sól Magnúsdóttir, miðjumaður: 4 Skilaði boltanum mjög misvel frá sér og skapaði stundum hættu með því að koma honum beint á mótherja. Fékk vissulega erfitt hlutverk í fangið sem aftasti miðjumaður en hefur sýnt að hún getur valdið því betur. Amanda Andradóttir, miðjumaður: 7 Átti frábæra fyrirgjöf á Glódísi í markinu og var kannski sú sem helst náði að skapa einhverja hættu fram á við en hefði gjarnan mátt vera meira áberandi. Hlín Eiríksdóttir, sóknarmaður: 6 Barðist vel í fremstu víglínu og lét finna fyrir sér. Fín frammistaða en gerði lítið í að skapa almennileg færi. Karólína Lea Vilhjálmsdóttir, sóknarmaður: 5 Fór vel með boltann í þau fáu skipti sem hún var með hann en týndist á stórum köflum og var allt of varfærin í návígum. Engu að síður afar jákvætt að njóta krafta Karólínu í mótsleikjum að nýju. Varamenn Guðný Árnadóttir - Kom inn fyrir Diljá á 61. mínútu: 6 Kom inn af góðum krafti fyrstu mínúturnar og skapaði sér færi sem hún náði þó ekki að nýta. Berglind Rós Ágústsdóttir - Kom inn fyrir Amöndu á 74. mínútu Spilaði ekki nóg til að fá einkunn. Svava Rós Guðmundsdóttir - Kom inn fyrir Hlín á 85. mínútu Spilaði ekki nóg til að fá einkunn. Landslið kvenna í fótbolta Þjóðadeild kvenna í fótbolta Mest lesið Tillögu Aþenu vantaði þrjú prósent til að vera tekin fyrir: Gengu út af KKÍ þinginu Körfubolti Uppgjörið: Ísland - Grikkland 33-21 | EM-sætið tryggt með glæsibrag Handbolti Lærisveinar Alfreðs að stinga af Handbolti Kristinn Albertsson nýr formaður KKÍ Körfubolti Aþena fann smugu á reglunum og mætti aftur á KKÍ þingið Körfubolti Sjónvarpsbannið í enska boltanum pirrar prinsinn Enski boltinn Svona var þing KKÍ Körfubolti Hafþór Júlíus keppir á móti í Síberíu Sport Leik lokið: Fram - Valur 27-26 | Fram hafði betur í toppslagnum Handbolti Stórefast um framtíð íslenska körfuboltans ef ekkert verði gert Körfubolti Fleiri fréttir Býflugurnar kláruðu Bournemouth Stefán Teitur hetja Preston Madrídingar lyftu sér á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Vandræði meistaranna halda áfram Chelsea vann enska deildabikarinn á sjálfsmarki Lífsnauðsynlegur sigur hjá Íslendingaliði Düsseldorf Guardiola: „Ég hlusta á allt sem fólk segir um mig, passið ykkur“ Sjónvarpsbannið í enska boltanum pirrar prinsinn Skoraði Messi þá ólöglegt mark í úrslitaleik HM í Katar? Liðsfélaga landsliðsfyrirliðans var ekki hleypt inn í landið Englendingar gætu verið með sjö lið í Meistaradeildinni á næstu leiktíð Víkingskonur síðasta liðið í undanúrslitin Neymar snýr ekki aftur í brasilíska landsliðið Eyþór afgreiddi gömlu félagana í KR með sigurmarki í blálokin Sara Björk og félagar hoppuðu upp í þriðja sætið Liverpool liðin fengu stóru mánaðarverðlaunin í enska Blóðguð Glódís Perla fagnaði sigri á móti Sveindísi Ný átta sekúndna regla innleidd hér á landi Mourinho gerir grín að skáldhæfileikum eigin leikmanns og segir hann of þungan Næstu bikarmeistarar stórgræða á árangri Víkings Borga 50 milljónir fyrir 17 ára pjakk sem fær sjö ára samning Heimir leitar sátta: Vill bjór og spjall með Duff og Bradley Ánægður með fullkomna fyrirliðann en segir hann þurfa að treysta samherjunum Svona líta öll átta liða úrslitin í Evrópu út Rashford og 32 ára nýliði í fyrsta landsliðshópi Tuchels Sir Alex er enn að vinna titla Dorgu bað dómarann um að gefa United ekki víti Óttaðist að ánetjast svefntöflum Sjá meira
Ísland fagnaði sætum 1-0 sigri sem liðið þurfti svo sannarlega að hafa mikið fyrir. Gestirnir frá Wales fengu að vera mikið með boltann en tilraunir þeirra til að skora strönduðu ýmist á vörn Íslands, með Glódísi Perlu Viggósdóttur fremsta í flokki, eða á Telmu Ívarsdóttur sem var öryggið uppmálað í markinu. Framar á vellinum átti íslenska liðið hins vegar erfitt uppdráttar en Glódís sá til þess að stigin þrjú kæmu í hús því hún skoraði sigurmarkið í fyrri hálfleik með frábærum skalla, eftir fyrirgjöf Amöndu Andradóttur. Íslenska liðið getur svo sannarlega gert betur en í kvöld, og þarf þess gegn Þýskalandi á þriðjudaginn, en eftir miklar breytingar síðasta árið er ánægjulegt að sjá að liðið getur enn unnið sterka sigra. Að neðan má sjá mat íþróttadeildar Stöðvar 2 og Vísis á frammistöðu íslenska liðsins. Einkunnir Íslands Telma Ívarsdóttir, markvörður: 8 Valin fram yfir Valsmarkverðina tvo og stóð frábærlega fyrir sínu í sínum stærsta landsleik til þessa. Átti í raun fullkominn leik þar sem hún sá við þeim skotum sem komu á markið af miklu öryggi, þó að vissulega reyndi sjaldnast mikið á hana, og greip allar fyrirgjafir. Guðrún Arnardóttir, miðvörður: 7 Virkaði vel við hlið Glódísar í þriggja miðvarða kerfinu og sá til þess að það skapaðist varla hætta „hennar megin“. Glódís Perla Viggósdóttir, miðvörður: 9 Enn einn stórleikur Glódísar í bláu treyjunni og hún var það sem skildi á milli liðanna, bæði með öflugum og traustum varnarleik en ekki síður frábæra skallamarkinu. Stýrði liðinu sem fyrirliði á besta stað í miðri vörninni, eflaust með sjálfstraustið í hæstu hæðum eftir síðustu fréttir úr Bæjaralandi. Telma Ívarsdóttir varði afar vel í kvöld og gerði nánast engin mistök.vísir/Diego Ingibjörg Sigurðardóttir, miðvörður: 5 Sterk og föst fyrir eins og hún er alltaf en gerði fáein mistök sem hefðu getað reynst dýrkeypt. Virtist orðin vel þreytt á lokakafla leiksins en það kom ekki í veg fyrir að hún ynni mikilvæga skallbolta. Diljá Ýr Zomers, hægri vængbakvörður: 6 Stóð sig vel í vængbakvarðarstöðunni og reyndi bæði að ógna fram á við þegar þess gafst færi en vera samviskusöm í varnarleiknum. Sandra María Jessen, vinstri vængbakvörður: 6 Sýndi líkt og Diljá að hún getur vel leyst þessa stöðu og passaði stundum kannski fullmikið að standa varnarleikinn, því maður vill auðvitað sjá sóknargæðin líka. Var afar nálægt því að skora í fyrri hálfleiknum. Hildur Antonsdóttir, miðjumaður: 5 Það þarf að fylla stór skörð á miðjunni og Hildur gerði sitt besta til þess með grimmd og baráttu. Hjálpaði hins vegar lítið til við að Ísland héldi boltanum og varði vörnina ekki alveg nógu vel. Selma Sól Magnúsdóttir, miðjumaður: 4 Skilaði boltanum mjög misvel frá sér og skapaði stundum hættu með því að koma honum beint á mótherja. Fékk vissulega erfitt hlutverk í fangið sem aftasti miðjumaður en hefur sýnt að hún getur valdið því betur. Amanda Andradóttir, miðjumaður: 7 Átti frábæra fyrirgjöf á Glódísi í markinu og var kannski sú sem helst náði að skapa einhverja hættu fram á við en hefði gjarnan mátt vera meira áberandi. Hlín Eiríksdóttir, sóknarmaður: 6 Barðist vel í fremstu víglínu og lét finna fyrir sér. Fín frammistaða en gerði lítið í að skapa almennileg færi. Karólína Lea Vilhjálmsdóttir, sóknarmaður: 5 Fór vel með boltann í þau fáu skipti sem hún var með hann en týndist á stórum köflum og var allt of varfærin í návígum. Engu að síður afar jákvætt að njóta krafta Karólínu í mótsleikjum að nýju. Varamenn Guðný Árnadóttir - Kom inn fyrir Diljá á 61. mínútu: 6 Kom inn af góðum krafti fyrstu mínúturnar og skapaði sér færi sem hún náði þó ekki að nýta. Berglind Rós Ágústsdóttir - Kom inn fyrir Amöndu á 74. mínútu Spilaði ekki nóg til að fá einkunn. Svava Rós Guðmundsdóttir - Kom inn fyrir Hlín á 85. mínútu Spilaði ekki nóg til að fá einkunn.
Landslið kvenna í fótbolta Þjóðadeild kvenna í fótbolta Mest lesið Tillögu Aþenu vantaði þrjú prósent til að vera tekin fyrir: Gengu út af KKÍ þinginu Körfubolti Uppgjörið: Ísland - Grikkland 33-21 | EM-sætið tryggt með glæsibrag Handbolti Lærisveinar Alfreðs að stinga af Handbolti Kristinn Albertsson nýr formaður KKÍ Körfubolti Aþena fann smugu á reglunum og mætti aftur á KKÍ þingið Körfubolti Sjónvarpsbannið í enska boltanum pirrar prinsinn Enski boltinn Svona var þing KKÍ Körfubolti Hafþór Júlíus keppir á móti í Síberíu Sport Leik lokið: Fram - Valur 27-26 | Fram hafði betur í toppslagnum Handbolti Stórefast um framtíð íslenska körfuboltans ef ekkert verði gert Körfubolti Fleiri fréttir Býflugurnar kláruðu Bournemouth Stefán Teitur hetja Preston Madrídingar lyftu sér á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Vandræði meistaranna halda áfram Chelsea vann enska deildabikarinn á sjálfsmarki Lífsnauðsynlegur sigur hjá Íslendingaliði Düsseldorf Guardiola: „Ég hlusta á allt sem fólk segir um mig, passið ykkur“ Sjónvarpsbannið í enska boltanum pirrar prinsinn Skoraði Messi þá ólöglegt mark í úrslitaleik HM í Katar? Liðsfélaga landsliðsfyrirliðans var ekki hleypt inn í landið Englendingar gætu verið með sjö lið í Meistaradeildinni á næstu leiktíð Víkingskonur síðasta liðið í undanúrslitin Neymar snýr ekki aftur í brasilíska landsliðið Eyþór afgreiddi gömlu félagana í KR með sigurmarki í blálokin Sara Björk og félagar hoppuðu upp í þriðja sætið Liverpool liðin fengu stóru mánaðarverðlaunin í enska Blóðguð Glódís Perla fagnaði sigri á móti Sveindísi Ný átta sekúndna regla innleidd hér á landi Mourinho gerir grín að skáldhæfileikum eigin leikmanns og segir hann of þungan Næstu bikarmeistarar stórgræða á árangri Víkings Borga 50 milljónir fyrir 17 ára pjakk sem fær sjö ára samning Heimir leitar sátta: Vill bjór og spjall með Duff og Bradley Ánægður með fullkomna fyrirliðann en segir hann þurfa að treysta samherjunum Svona líta öll átta liða úrslitin í Evrópu út Rashford og 32 ára nýliði í fyrsta landsliðshópi Tuchels Sir Alex er enn að vinna titla Dorgu bað dómarann um að gefa United ekki víti Óttaðist að ánetjast svefntöflum Sjá meira