Íslenski boltinn

Sú marka­hæsta riftir samningi sínum við Fjölni

Runólfur Trausti Þórhallsson skrifar
Ólíklegt er að Alda spili áfram í gulu á næstu leiktíð.
Ólíklegt er að Alda spili áfram í gulu á næstu leiktíð. Fjölnir

Alda Ólafsdóttir var markahæst allra á Íslandi á ný afstaðinni leiktíð ef horft er í meistaraflokks knattspyrnu á Íslandi. Hún hefur nú rift samningi sínum við Fjölni og gæti farið í nýtt lið á næstu dögum.

Vísir greindi frá því fyrr í dag að Alda hefði verið markahæst allra á Íslandi í sumar. Óumdeilt markadrottning Íslands árið 2023. Hún skoraði alls 33 mörk fyrir Fjölnisliðið í 2. deild kvenna í sumar, þá skoraði hún eitt mark í Mjólkurbikarnum.

Nú hefur Fótbolti.net greint frá því að Alda sé að íhuga að færa sig um set. Þrátt fyrir að semja aðeins við Fjölni í janúar á þessu ári þá hefur hún rift samningi sínum við félagið þar sem hún er að skoða sín mál.

Alda lék síðast í efstu deild kvenna sumarið 2017, þá með uppeldisfélagi sínu FH. Alda hefur síðan þá spilað með ÍR og Aftureldingu en hún er uppalin í FH.

Alda er fædd árið 1996 og á því nóg eftir. Enn er óvíst hvert næsta skref verður en í íslenska slúðurpakkanum á Fótbolti.net var hún orðuð við FH, Fylki og Fram.

Fótbolti Íslenski boltinn Fjölnir

Mest lesið


Fleiri fréttir

Sjá meira


×

Mest lesið